Nadela: Pakigbisog taliwala sa ka kabus

MGA pahalipay alang sa tanang gradwado sa kinder, elementarya, senior high school, college ug graduate school. Nahibalo ko kung unsa ka lisod ang inyong naagian pagsungasong sa mga hagit pagkab-ot ug kinaadman. Mga pahalipay sab ngadto sa mga ginikanan pagbuntog sa kanihit sa budget makapa dayon lang sa pagpatungha sa ilang mga anak. Sa mga working students nga niapil sab og paso, saludo kami sa inyong determinasyon paglatas sa dalan nga puno sa mga pagsulay.

Tabok

Gipamatud-an sa subra sa napulo ka tinun-an sa Tabok Elementary School sa dakbayan sa Mandaue nga bisan ang dakong sunog nga nilamoy sa ilang kabalayan karong bag-o, di babag sa ilang tinguha nga makaapil sa graduation ceremony pipila ka oras human sa maong alarma. Nakahigayon ko og saksi sa unang bahin sa seremonyas nga gihimo sa gym sa ilang eskwelahan. Didto akong naila ila ang duha kanila nga sila si Mica Angel Lobo ug Delmar Rodriguez. Pulos mga biktima sa sunog. Tapot sa lawas ra ang gibilin nga senina sa maong sunog. Gilamoy sa kayo ang ilang pinuy-anan anang gabii ug nipaso sila pagka alas otso sa buntag. Usa ka oras human gideklarar ni Mandaue City Fire Marshall Bernard Batnag Jr. ang status nga fire out na ang maong alarma. Sa interview nga akong gihimo kahilakon sila si Mica Angel ug Delmar nga niasoy sa kapaitan nga ilang nahiaguman atol sa sunog. Apan wa ni makapugong sa ilang tinguha pagpadayon sa graduation nga ilang tambongan. Gani niingon sila nga ilang ipahinungod sa mga nasunugan ang ilang kalamposan.

Langgam

Gihangop ni Cebu City Veterenarian Dr. Alice Utlang ang akong gibalita niya nga pagdaghan sa mga langgam nga motugpa ug mangita ug pagkaon sa baybayon duol sa South Road Properties kun SRP. Ako dayon kining gidasonan pinaagi sa pag sugyot nga butangan ug mga pasilidad ang maong dapit alang sa bird watching. Sa mga nakaadto na mga pagdayeg ang mabati sa ilang mga baba. Makalingaw kaayong sud-ongon ang nagkada iyang klase sa langgam nga motugdon didto. Karon o ugma dad-a ang inyong pamilya. Sigurado ko nga di mo magmahay. Maayo nalang ni kay sa mobitahe pa ka og layo aron lang makasud-ong sa nga migratory bird nga nagbalik balik ba didto. Nanghinaot si Dr. Utlang ang publiko motabang pagpreservar sa maong mga langgam.

Related Stories

No stories found.
SunStar Publishing Inc.
www.sunstar.com.ph