Magpapili pagka-kapitan pangayoan na og kwalipikasyon?

TINGUHA karon sa Department of Interior and Local Government (DILG) nga pugson ang Commission on Elections (Comelec) ang paghatag sa ilang resume aron makatabang sa botante pagpili og maayo, nga rekisitos na sa mga kandidatong magpapili sa Barangay ug Sangguniang Kabataan.

Kini gibutyag ni DILG Assistant secretary Jonathan Malaya tungod kay basihan kini sa kwalipikasyon sa ilang posisyon nga gipili.

“The DILG will not set a template or format. It’s up to the SK and barangay candidates what they will disclose to the public,” matud niini.

Si Senator JV Ejercito Estrada nibutyag sa SunStar SuperBalita atol sa press conference dungan sa iyang pagbisita sa dakbayan sa Cagayan de Oro nga dili siya uyon nga adunay qualification ang magpapipili sa eleksyon.

“Everyone has the right to be elected in any position. Hindi porket walang natapos hindi na pwedeng magsilbi sa bayan,” butyag niini.

Samtang ang presidente sa Liga sa mga Barangay nga si Yan Lam Lim, supak sa kwalipikasyon nga gipangayo sa DILG gumikan kay katungod sa bisan kinsa ang moserbisyo ug adunay sab kapitan nga walay natapos apan tinud anay ang pagpanerbisyo.

Apan sa bahin ni Kapitan Jaime Frias sa Barangay 23 nibutyag nga kinahanglan ang kwalipikasyon sa usa ka kapitan.

“Crucial man gud ang barangay, busa kinahanglan sab nga fragile sa panglantaw sa kaayohan sa katawhan ang usa ka kapitan. Siya maoy morepresentar sa Barangay ug gikinahanglan dunay tingog pag abot sa liga sa kapitanes nga dili lang maghilom-hilom. Kailangan ang kwalipikasyon sa kapitan lang siguro bahalag sa Kagawad dili na lang ang importante lang ilang marepresenta og maayo ilang zona,” pahayag niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph