SECTIONS
Thursday , April 26, 2018

Palaro 2018 sugod na

VIGAN, Ilocos Sur -- Si President Rodrigo Duterte misaludo sa Palarong Pambansa athletes isip mga kampeyon na apan iyang giawhag nga di lang mahimong hawod sa isports apan hawod sab sa ilang pagtuon sa eskwelahan.

Kini ang giluwatan sa Pangulo ngadto sa 10,000 ka mga delegado ug nanan-aw atol sa opening ceremonies nga gihimo sa President Elpidio Quirino Stadium dinhi kagahapon.

"For student athletes who came from the provinces, congratulations! The fact that you are here with us today is a proof of your determination and excellence in your chosen sports that makes all of you winners and champions already," suma ni Duterte, kinsa nagbasa sa giprepara nga speech.

Siya, hinuon, nagsulti nga samtang ang mga atleta naghalad sa ilang kaugalingon sa isports, "Do your best to also excel in your studies, too. Your ability to balance academics and your other interests measures your aptitude for skills such as multitasking, time management and decision-making skills that you will need as you take on greater responsibilities in the future."

Siya nagkanayon nga ang Palarong Pambansa mas labaw sa pa sa pagpakita sa talento sa mga Pinoy ug abilidad sa isports nga nagsilbing training ground sa umaabot nga lider ug national builders kansang batasan ug prinsipyo naumol sa pag-antus, disiplina, pagtinabangay, integridad ug gugma sa nasud.

Si Duterte, giubanan ni executive secretary Salvador Medialdea, Presidential Assistant Christopher Lawrence "Bong" Go, midugang nga ang gobyerno magpabilin sa pagpromotar sa programa sa isports, magsuporta sa mga atleta ilabi na sa panahon nga makigtigi sa internasyunal nga kompetisyon.

Ang President usab namulong ngadto sa mga ginikanan sa atleta: "There is no better way to show your love for your children than to help them realize their potentials. Support them as they discover themselves and explore their limitless possibilities of their growth and development."

Ang isports, suma niya, maoy makapalayo sa mga kabataan sa druga, kriminalidad ug uban pang dautang buhat.

Karong adlawa, nagkadaiyang duwa ang tigian sa mga atleta dinhi.


VIEW COMMENTS