SECTIONS
Thursday , April 26, 2018

Cviraa mikuha'g 2 golds sa chess

VIGAN CITY, ILOCOS SUR - Nakabira og duha ka gold medals ang Central Visayas Regional Athletic Associa­tion (CVIRAA) sa opisyal nga pagsugod sa mga kombati sa 2018 Palarong Pambansa kagahapon.

Ang chess team mao ang labing unang nakatunol og gold medal alang sa rehiyon 7 sa Baluarte Function Hall.

Sila si Aaron John Resma ug Jerish John Velarde mitunol og gold sa rehiyon 7 sa elementary blitz chess team samtang sila si Chris Aldritz Pondoyo ug Jeremy Tanudra naka-gold sab sa secondary blitz chess team.

Nakaangkon usab og tagsa-tagsa ka mga silver medals sila si Resma sa elementary blitz individual ug Pondoyo sa secondary.

Ang tanang mga medalya nga nakuha sa CVIRAA kagahapon pulos gikan sa chess team, nga nakaangkon sab og duha ka mga silver ug usa ka bronze.

Si Resma nakakuha og silver sa elementary blitz samtang silver sab ang naangkon ni Ponodoyo sa secondary blitz.

Samtang sila si Alphecca Gonzales ug Glybel Jane Qui­ñanola nakasungkit og bronze sa secondary blitz team.

Magpadayon ang mga sangka karong adlawa sa matag tuig nga kompetisyon.

Ang CVIRAA naglaom nga ma­­su­lod sa top 5 ning higayuna.


VIEW COMMENTS