SECTIONS
Thursday , April 26, 2018

Babaye gitipi sa kapuyo

TUNGOD sa pangabubho, patay ang usa ka ginang sa Barangay Labogon, Mandaue City human gitigbas sa iyang live-in partner nga iya ra usab nga bayaw.

Patay si Analiza Lacno, 42, sa dihang nahiwa ang iyang tiyan ug bukobuko nga hinungdan sa iyang hinanaling kamatayon.

Nisuway sa pagghikog ang suspek nga si Danilo Lacno, 41, pinaagi sa pagduslak sa iyang tiyan gamit ang sundang nga mao ra usab ang iyang gigamit sa pagpatay ni Analiza.

Ang sundang adunay gitas-on nga kapin sa 12 pulgada nga naabtan sa pulis nga diha tapad sa suspek.

Naukay ang mga silingan sa Valeriano Compound, Sityo Upper Labogon, Mandaue kagahapon sa 8:30 sa buntag gumikan sa maong duguong hitabo.

Si P01 Ravin Anor sa Police Station 3 sa Mandaue City nga dead-on-arrival ang suspek sa dihang gidala Vicente Sotto Memorial Medical Center (VSMMC) nga gikatahong migawas sab ang tinai.

Si Analiza walo na ka tuig nga buwag sa iyang bana nga si Ronel Lacno, maguwang ni Danilo.

Si Analiza adunay tulo ka mga anak sa unang bana.

Base sa asoy sa silingan sa mga Lacno nga si Lowell Bontol nga lima pa lang ka buwan ang relasyon sa biktima ngadto ni Danilo.

Giingong sa adlawan anaa si Analiza diha sa ilang gipuy-an sa Labogon apan matag gabii adto kini magtulganan sa iyang laing “lover” nga usa ka jeepney driver.

Gipasidan-an na ni Danilo si Analiza nga undangon na ang iyang pagpunay og adto sa balay sa drayber nga nagpuyo sa silingang sityo.

Nadunggan pa sa mga silingan ang init nga panaglalis tali sa biktima ug suspek sa wa pa ang pagpanigbas.


VIEW COMMENTS