BANTAY, Ilocos Sur -- Wala makakuha'g bulawang medalya ang Davao Region Athletic Association (Davraa) sa ikaduhang adlaw sa Palarong Pambansa apan nakakuha kini og tulo ka plata, duha ka bronse sa pagsugod sa lumba-langoy sa President Elpidio Quirino Stadium.
Sila Ivo Nikolai Enot, Lora Micah Amoguis ug Juliana Marien Villanueva nakakuha'g silvers alang sa Davraa samtang si John Martin Yarra ug ang elementary girls 200-meter medley relay team ang miani sa bronzes.
Nakita ang progreso ni Enot sa paglabaw niini sa iyang best time (1:08.97) ug nahuman ang elementary boys 100-meter backstroke sa oras na 1:08.49 sunod ni gold medalist Prince Dave Calma (1:09.36). Ang bronse naadto kang Yohan Yohan Mikhail sa Calabarzon (1:08.55).
"I am happy that I beat my time but I could had done better. Dapat mas binilisan ko sa dive," suma sa taga Davao nga si Enot na nakigtigi sa iyang uwahing elementary level sa Palaro.
Si Amoguis, nga mag-grade 7 nakakuha sa oras nga 1:13.16 nga nagbutang kaniya sa ikaduhang pwesto sa elementary girls 100m backstroke sunod ni Roshanne Biglete nga nakakuha sa gold sa oras nga 1:12.26.
Ang taga Central Luzon na si Trixie Ortiguera (1:13.19) ang nakakuha sa bronse.
"I was super pressure racing in the last 50m (smiles). I hope and pray to win more medals in my second and third day events. The training is over and all I can do is give my best and pray. I want to really win the 50m backstroke," dugang ni Amoguis.
Samtang si Villanueva nga taga Precious International School of Davao gi-uli ang silver sa secondary girls 400m freestyle sa oras na 4:45.01.
Sa oras na 4:43.00 nakuha ni Gwyneth Amber Cawaling nga taga National Capital Region ang gold. Samtang si Krisha Apin (4:45.56) nga taga Socsargen ang nakakuha sa bronze.
"Masaya napo ako kasi di ko talaga ito inexpect. Mas gagalingan ko po sa iba ko pang events lalo na sa 800m freestyle," ingon sa trese anyos na si Villanueva.
Nalangoy ni Yarra ang bronze sa secondary boys 200m butterfly samtang si Amoguis uban ang iyang manghod nga si Liaa Margarette ug sila Rissa Sahagun ug Mary Grace Batalla sa elementary girls 200m medley relay.
Ang ikaduhang adlaw sa swimming competition magpadayon karon. (Gihubad sa Binisaya ni Sean Belen, FSUU Intern)