Saludo Kami: Kadasig

GIINGON nga mamahimo nga magamit ang mga negatibo nga butang nga midangat sa kinabuhi gikan sa ubang tawo nga maoy mahimong magdasig sa pagpadayon ug pagpamatuod nga sayop diay sila.

Gani dunay mga higayon sa kinabuhi nga ang pipila moingon nga di nato makaya ang usa ka gitinguha, apan sayop kining tanan, basta naa lamang ang kadasig aron makab-ot ang usa ka mithi.

Kini ang mibalot sa kinabuhi sa atong bida karong adlawa, nga si Airnel Abarra, usa ka kanhi track and field athlete nga maoy duwa nga iyang gihigugma ug inspirasyon sa pagkab-ot sa mga damgo.

Daghan na og mga hagit ang miagi sa iyang linghod nga pangedaron sa pagsulay og sulod sa maong duwa, ug wa siya mi-surender sa mga hagit, inay mipadayon, ug iyang nakab-ot karon ang kalampusan.

Human niya makuha ang kursong Bachelor of Science in Secondary Education Major in Social Studies sa Laguna State Polytechnic University, gilayon siyang mikuha'g Master of Science in Human Movement Science program sa University of the Philippines (UP) College of Human Kinethics.

Daghan ang mga nagsulti nga di siya mopasar sa standard sa edukasyon sa UP, gani ang uban nagsulti nga mobiya na lang siya, kay di gyud niya makuha ang iyang mga pangandoy.

Tungod niini, iyang nahimong inspirasyon ang mga negatibong butang sa iyang kinabuhi nga maoy nagdasig kaniya nga ipakita sa uban nga sayop sila.

Sa kasamtangan, ang atong bida usa ka part-time faculty sa History ug Political Science Department sa Ateneo de Davao University (AdDU) samtang siya sab ang nagdala sa athletics program sa maong unibersidad.

Ang atong bida, nagagikan sa San Pablo City sa Laguna apan nabalhin sila sa Davao City human sa pag-abli sa iyang oportunidad nga manguna sa Ateneo athletics team.

"I saw the pitiful situation of Ateneo athletics that's what prompted me to come here," sulti sa atong bida nga nahinabi sa SunStar Davao pinaagi sa Facebook.

Ang epektibo nga programa sa athletics sa international scene maoy nagsilbing framework sa atong bida sa programa nga napatuman sa dakbayan sa Davao.

"I saw the effectiveness of their programs and I thought the local athletes will benefit from it," sulti sa 33-anyos nga kamaguwangang anak nga lalaki ni Aguilanio, usa ka bus driver, ug Sally, usa ka housewife.

Sa pagpamatuod, naka-organisa na ang atong bida og pipila ka mga athletics programs nga gilangkuban sa regular nga Blue Knights Track League ug nakasaksi sab siya sa world track and field championships sa Europe.

Iyang gisaysay nga wala siya nagsalig sa pundo gikan sa National Sports Association (NSA) ug Local Government Units (LGUs), inay mihimo siya og laing mga pamaagi aron mapalanog pa ang iyang talento ug abilidad alang sa mga batan-ong atleta.

"If you want to to start something, don't wait, start it. Tell and share it to those who believe and trust you. Be consistent and stay true with your programs. Not for sake of financial gain but to develop our athletes," dugang niya.

Dihang gipangutana siya paunsa niya nabuntog ang mga pagsulay, iyang giingon nga pinaagi sa mga matinud-anon nga mga tawo.

"We try our best to find true people. Through telling the stories and convincing people to believe in program and not clashing with the policy makers makes it better," pung niya.

Dugang niya nga makatabang sa pagpalambo nga makaplagan ang usa ka talento sa usa ka atleta, ang pagpasigarbo sa tinuod nga istorya sa kinabuhi.

"By constant communicating, not stopping to meet with people, spending time with them. We allow the athletes to tell and share their stories online," panapos sa atong bida.

Ang kinabuhi sa tawo sama sab sa usa ka duwa, aron molampos kita sa atong mga damgo, maningkamot ug di magpadala sa mga negatibong istorya sa pipila.

Sa duwa, di kinahanglan ang pagsurender kay naa nay nakaabot sa finishing line, kinahanglan matapos nimo ang duwa nga wa miagi sa pagsurender, kini ang kinabuhi.

Kanimo, Sir Airnel Abarra, saludo kami sa imong kadasig sa kaugalingon! (with JPC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph