ANG kinabuhi sa tawo, daw sama sa usa ka musika, kinahanglan pahauman kini'g mga maayong pulong aron sa ingon maayo sa pagduyog niini.
Sa tawo, kinahanglan maayo ang atong napakita nga pakig-relasyon sa uban, maayong pakighimamat, paghigalaay, sa ka-trabaho, ug bisan sa mga miyembro sa pamilya, sukipan og maayong mga pulong sa pamatasan aron makita ang maayong relasyon.
Maong ang musika, usahay makapatandog sa atong panumdoman, makabuhi sa atong mga takna, ug makahimo nga di nato malimtan ang usa ka tawo pinaagi sa usa ka paboritong awit.
"I learned to appreciate music and how to make people remember you by it)," kini ang pasiunang saysay sa 20-anyos nga si Patricia Allen Eleonore Dobles, kinsa mao atong bida karon nga tuig 2014 pa nga nagsugod sa iyang karera isip disk jockey (DJ).
Bugtong anak siya ni Lea Amor Dobles, usa ka nurse, kinsa ang atong bida naila sa tawag nga Pae Dobles sa iyang mga DJ friends, usa sa party scene.
Una siyang nakat-on sa remixing sa mga nindot nga sonata, una pa man siya nahimong DJ, diin gipa-ila ila siya ni Sherwyn Diwa, usa ka DJ sa Hacienda Royale niadtong third year high school pa siya.
Gikan niadtong mas nadasig siya, ug mitubo ang iyang pagka-interesado sa musika.
"I used to try to produce and record things and try to make a track. Gumagamit nga ako ng windows na software na pang edit ng video. Got no clue back then," pagsaysay sa atong bida nga usa na ka fourth year AB-Mass Communication student sa Ateneo de Davao University (ADDU).
Sama ni Gabriel de Cadiz, usa sab siya sa nagpa-ila ila kaniya ngadto kang Niel Recinto kinsa mao sab ang nagtudlo kaniya sa mga basics, ug ang mga mosunod, pulos mga kaagi na.
Gikan sa duha na ka tuig ang milabay, mas na-debelop pa kaniya ang pagkahilig sa musika, pinaagi sa iyang mga higala nga maoy say makonsiderang mitabang sa iyang interes sa maong natad.
"Great songs being produced everyday. There is an endless pool of great music. So many to choose from! Na-appreciate ko rin yung how to make people to remember you," sulti niya.
Hanas kaniya ang mga genre nga gilangkuban sa bigroom, electro, agressive, jungle house, hard trap, future bass, ug trap nga ang iyang gamit mao ang Pioneer DDJ-SB alang sa mga gagmay nga events samtang Pioneer CDJ 2000 Nexus ug Pioneer DJM 900 alang sa dagkong mga events.
Gisaysay sab niya nga di sayon ang pagbahin sa kaugalingon isip usa ka DJ ug usa ka estudyante.
Segun niya nga adbantahe kaayo kaniya ang mga libre nga takna sa pagbansay sa pag-mix sa mga potensyal nga mga tugtog nga maoy iyang gamiton alang sa iyang mga gigs.
Isip bag-uhan, giangkon niya nga di siya perpekto sa iyang mga gihimo nga musika, nakasinati sab siya og mga technical errors atol sa pagpadungog sa iyang mga pasundayag.
"Ang layo ko pa. Blessed lang ako sa mga nakukuha ko na gigs. Paminsan di ako makapag beatmatch, paminsan, mali yung pagmix ko to another song, iba-iba. Siguro halos lahat ng mali nagawa ko na, tapos nauulit ko parin. Pero ayun nga. Practice talaga ako everyday," sulti ni Pae.
Na-imbetahan na sab siya sa mga party sama sa Castaway Kadayawan Vibe Fest sa SM City Davao, Cuervo Kadayawan sa Stre3ts, Carte Blanche 2014, Rave Volt 2016, DJ Fest Davao, Countdown to 2016 New Year Party sa SM Lanang Premier, Hello 2015 sa SM Lanang, Fresh Beats: Party with DJ Tom Taus, #DU31, Splashfest: Tagum Fiesta Pool Party, Arcadia 2015, Festival Friday sa URBN featuring Beatbreaker ug Fo Onasis, Wonderful MindaNow Explore Race On After-Party, ingon man sa pre-Concert party of GlobexChainsmokers sa Huckleberry Davao.
Sumala niya, nga nagmalampuson ang iyang mga gihimo, pinaagi sa tabang sa iyang inahan nga nahimo niyang nag-unang nga inspirasyon niini.
Gawas sa iyang pagka-DJ naila sab siya isip usa ka dancer, diin nahimo siyang miyembro sa usa ka band sa dakbayan sa Davao.
Nag-idol sab siya sa daghang mga established DJ's sama sa Skrillex, Marshmello, Nicky Romero, Carlo Atendido, Aryan Magat, ug Cam Abecina.
"They're all great DJs. Nalalampasan nila yung standards ko kapag mamili ako ng magaling na dj hahaha. Super galing. Techniques, executions, tracklist," ingon niya.
Nahimo sab siyang brand ambassador sa Colourette Cosmetics kinsa naglaum nga maka-organisa pa siya og mga aspiring DJs.
"Ang daming gustong matuto mag dj as early as their age. Mashock nalang ako sa grade 3 ko na pinsan na gusto din nya maging DJ katulad ako," butyag ni Pae.
Human sa iyang pakiglambigit sa dagkong mga rave events, ang iyang gugma sa musika nagkalalom.
"Music really speaks to a person. Sometimes, when you can't fully express your feelings, music is there to help you find out what you feel," ingon niya.
Sa mga gustong mamahimong DJ, iyang giingon nga nga maminaw kung unsay anaa sa maong butang sa [DJ's set], apan kaniya, una siya miadto sa DJ schools sama sa BPM ug Bounce mas maayong mangutana sa mga DJ friends aron matabangan ug magiyahan sila.
Ug iyang gidasig ang uban nga magmalaumon kanunay bisan unsa pa ang gikahiligan, padayon sa pagkab-ot sa mga damgo gumikan di imposible ang tanan, kung maningkamot lang ug uban sa pag-ampo sa Diyos.
Kanimo, DJ Patricia Allen Eleonore Dobles, saludo kami sa imong paghigugma sa musika nga maoy makapadasig sa nagtubong kabataan!