Tumulak miawhag sa mga taga BOPK nga makighiusa
GUSTO sa mga konsehal sa Team Rama nga napili sa miaging eleksyon nga magkahiusa ang ilang tinguha tali sa mga konsehal sa Bando Osmeña Pundok Kauswagan (BOPK) bisan kon managlahi ang ilang grupo sa ilang paglingkod karong Hulyo 1.
Si Dave Tumulak, kapitan sa Barangay Basak Pardo ug usa sa tulo ka mga konsehal nga napili sa south district ilawom sa grupo ni Mayor-elect Michael Rama, nipadayag og kaandam nga makighiusa alang sa kaayuhan sa dakbayan.
CPA gipakgang sa OBO sa pagkoral
GIPAKGANG sa Cebu City Government pinaagi sa Office of the Building Official (OBO) ang pagkoral sa Cebu Port Authority (CPA) sa luna palibot sa Compaña Maritima duol sa Cebu City Hall.
Ang OBO niluwat og cease and desist order (CDO) niadtong Biyernes aron ipahunong ang pagkawot sa CPA sa mga lungag nga butangan sa haligi aron makoral na ang lugar.
Mike mogiya sa bag-ong mga sakop
ANDAM mogiya si Mayor Michael Rama sa napiling mga kandidato sa Team Rama nga unang higayon nga molingkod sa konseho sa dakbayan sa Sugbo.
Andam usab si Rama nga makig-uli sa maayong kabubot-on ngadto sa mga tawo nga nasilo kaniya hilabi na kadtong mga sakop sa konseho nga iya sa Bando Osmeña Pundok Kauswagan (BOPK).
Mike nahibulong
BISAN kon nidaog na si Mayor-elect Michael Rama batok kang Kongresista Tomas Osmeña, wa pa siya matagbaw, gustong mosusi kon unsay nahitabo nganong nitidlom ang iyang labaw sa mga boto.
Si Rama nakakuha og 217,448 botos batok sa 211,072 ni Osmeña sa ilang panag-ilog sa labing taas nga posisyon sa dakbayan sa Sugbo.
Pag-ihap gihunong
KASAMTANGANG gisuspenso sa Provincial Board of Canvassers (PBC) ang ilang pag-ihap sa mga boto gikan sa lalawigan alas 6 sa gabii kagabii gumikan kay di na makapadala sa resulta sa election gumikan sa mga depektusong compact flash (CF) cards.
Si Cebu Provincial Prosecutor Jane Petralba, sakop sa PBC, niingon nga sanglit adunay 19 ka mga lungsod ug siyudad sa probinsya nga di na makapadala sa resulta sa piniliay sa ilang tagsatagsa ka mga lugar.
Uwan misamok sa pagbotar nila ni Garcia, Davide
KUYOG ang kapikas ug pamilya dihang namotar ang mga kandidato sa lalawigan sa Sugbo sa eleksyon kagahapon.
Si Kong. Pablo John Garcia, standard bearer sa One Cebu party, nibotar nianang udto sa precinct no. 028-A sa Barangay Balao, Barili uban sa iyang asawa nga si Karen.
Liquor ban gisugdan na sa pagpatuman
SUGOD sa alas 12:01 sa miaging tungang gabii, ang Commission on Electiond (Comelec) nipatuman na sa duha ka adlaw nga liquor ban alang sa pagpangandam sa election ugma.
Gumikan niini ang kapulisan sa tibuok nasod nisugod na usab sa pag-imponer sa Comelec Minute Resolution No. 13-0322.
Mga miting de abanse malinawon
MALINAWON ug malampuson ang mga miting de avance sa dakbayan sa Sugbo sa magkaatbang nga partido sa pulitika hangtod kagabii.
Ang kampo ni Mayor Michael Rama sa Team Rama nihimo og miting de abanse sa nagkadaiyang dapit sa dakbayan sa Sugbo sulod sa usa ka adlaw niadtong Biyernes ug kagahapon nga katapusang adlaw sa kampanya.
Tibuok Team Rama giduso sa Kusug
ANG Kugi Uswag Sugbo (Kusug) niindurso sa tibuok slate sa Team Rama ni Mayor Michael Rama inay mohulbot og laing kandidato sa pagkakonsehal sa Bando Osmeña Pundok Kauswagan alang sa 2013 elections.
Mipiyait usab si kanhi mayor Alvin Garcia, chairman emeritus sa Kusug, sa pagpangangkon ni Kongresista Tomas Osmeña sa mga proyekto nga nahimo atol sa iyang administrasyon nga gihimong political advertisement.
Davide miangkon nga underdog
BISAN pa sa hugot nga suporta nga gibuhian sa Malacañang, giisip gihapon ni Atty. Hilario “Junjun” Davide III ang iyang kaugalingon nga usa ka “underdog” batok ni Kongresista Pablo John “PJ” Garcia sa pagka gobernador sa lalawigan sa Sugbo karong Mayo 13.
Kini human nipadayag si Garcia, kongresista sa 3rd district, nga nahimo na karong “Goliath” ang kanhi “David” sa niaging election diin nidaog si Gwendolyn Garcia pagka gobernador sa lalawigan.
