Vidal wa mabalaka nga PNoy mohigot unya sa RH bill

WA mabalaka si Cebu Archbishop Emeritus Ricardo Cardinal Vidal kon lakbitan og hisgot ni Presidente Benigno Aquino III ang isyu sa Reproductive Health bill sa iyang pagpamulong atol sa National Thanksgiving Day sa Nobiyembre 30, 2012 sa South Road Properties.

Bahala siya, sino naman ang mapapahiya,¡± mubo nga pamahayag sa Cardinal bahin niini.

PB miawhag sa DOJ pagtukod og team batok Aman

GIAWHAG sa Sangguniang Panlalawigan sa Sugbo ang Department of Justice pinaagi sa National Bureau of Investigation sa Central Visayas nga magtukod og special team nga maoy modakop ug molutos ni Manuel Amalilio, ang chairman sa Aman Futures Trading nga gii­ngong maoy mastermind sa illegal pyramiding scam.

Tigbakay himuong legal sa kandidato sa pagka gobernador

GILADLAD na sa gubernatorial candidate nga si Roliveth “Klasmeyt Boyet” Cortes ang mga proyekto nga gusto niya ipatuman kon siya maoy modaug pagka gobernador sa lalawigan sa Sugbo sa umaabot nga piliay sunod tuig.

Usa sa mga bug-at niya nga proyekto ang pagtukod og 100 kilometros nga super highway nga magsumpay sa mga bukirang barangay sa nagkadaiyang kalungsoran ug siyudad sa lalawigan.

Sunod nga saksi

AHENTE sa National Bureau of Investigation (NBI) 7 ang sunod nga molingkod sa witness stand sa nagpadayon nga hearing sa petition to bail nga gipasaka sa akusado sa pagdagit ug pagpatay ni Ellah Joy Pique.

Si Renante Pique, amahan sa biktima nibutyag nga si NBI 7 special investigator Arnel Pura maoy sunod nga ipresentar sa prosekusyon ugma batok ni Bella Ruby Santos sa sala ni Judge Ester Veloso sa Branch 6 sa Cebu City Regional Trial Court.

Support group mopahigayon og candle lighting

GIDASIG ang mga ginikanan kansang mga anak nangamatay sa nagkadaiyang mga sakit ug sirkumstansiya nga mosalmot sa ipahigayon nga ika 16 nga Worldwide Candle Lighting sa Plaza Independencia karong Disyembre 9, 2012.

Ang Hugs nga usa ka organisasyon nga naghatag og suporta sa nagbangutan nga mga ginikanan ang mopasiugda sa kalihukan dinhi sa Sugbo nga sugdan alas 5:00 sa hapon pinaagi sa usa ka hamubo nga programa apil ang video clip showing ug ang highlight niini, ang pagdagkot sa mga kandila sugod alas 7:00 sa gabii, sud sa usa ka oras.

Malacañang misusi sa templete sa SRP

PERSONAL nga gisusi sa mga taga Malacañang ang dapit nga maoy pahigayonan sa National Thanksgiving Mass sa pagka santos ni San Pedro Calungsod sa South Road Properties karong Nobiyembre 30.

Nunot kini sa gipaabot nga pagtambong ni Presidente Benigno Aquino III sa maong makasaysayanong kalihukan sa simbahang Katoliko dinhi sa nasod.

Mga operator wa pa mawagtangig paglaum sa hangyo uyonan

WALA pa mawagtangi og paglaom ang mga bus ug mini bus operators sa lalawigan sa Sugbo nga uyonan sa Economic Enterprise Council (EEC) ang ilang hangyo nga paminosan ang umento sa bayranan sa Cebu South Bus Terminal.

Si Julie Flores, presidente sa Cebu South Mini Bus Operators Associa­tion, nagkanayon nga ma­ngayo una sila og rekonsiderasyon sa EEC pinaagi sa ilang iduso nga mosyon sa sunod semana sa pamasin nga dunggon sa konseho ang ilang hangyo.

Cease and desist order sa Kepco gilibkas ni Chiong

GILIBKAS na sa ka­gam­hanan sa siyudad sa Naga kagahapon ang cease and desist order batok sa Kepco-Salcon Power Corp. (KSPC) human sa dinali-an ug long term solution nga gipresentar sa kompaniya pagsulbad sa mga reklamo sa pipila ka mga molupyo labot sa itom nga abog nga nika­tap sa ilang mga panimay sa miaging semana.

Si Naga City Mayor Valdemar Chiong maoy niisyu og kamanduan paglibkas sa CDO human siya natagbaw sa giduso nga Coal Handling Ope­ration Action and Deve­lopment Plan sa maong coal-fired power plant.

10 mil ka vehicle pass iapod-apod

MOABOT sa 10,000 ka mga vehicle pass ang iapod-apod ngadto sa 149 ka mga parokya sa Artsidyosesis sa Sugbo, mga miyembro sa nagkadaiyang komitiba ug mga bisita alang sa National Thanksgiving Mass sa Nobiyembre 30.

Mga drayber sa mga sakyanan nga way vehicle pass dili tugtan nga makasulod sa South Road Properties diin ipahigayon ang selebrasyon.

Cebu City ipaubos sa 2 ka adlaw nga red alert

DUHA ka adlaw sa dili pa ang National Thanksgiving Mass sa Nobi­yembre 30, i-isa na sa Cebu City Police Office ang red alert status sa dakbayan sa Sugbo hangtod sa Disyembre 1, matod ni Police Sr. Supt. Melvin Ramon Buenafe, hepe sa CCPO.

Ang CCPO nagtukod na usab og St. Pedro Calungsod Safety and Security Task Force nga gilangkuban sa nagkadaiyang unit sa kapulisan sa rehiyon, National Bureau of Investigation, militar, barangay tanod ug ubang civilian support group nga gipangulohan ni Buenafe.