Giyeran san apo!

REPORT: nag-pull-out kano dagiti barko ti Pilipinas ken China idiay Scarborough wenno Panatag. Ania a gapu? Isanuddan ti pinnudutan panggep no siasino ti akinkua iti nakuna a disso? Iti panagkunami, saan gapu ta kasla nagbutengda laeng iti bagyo. Insakitda dagiti taoda. Ti pas-engna, no malpas ti pangta ti panawen, agsublidanto manen. Agsinniimdanto manen. Siguro no saan laeng a panawen ti bagyo ita, amangan ta saan laengen a sinnirip ken pinnaliiw ti napasamak. Di agatras dagiti tsino, nakarkaro a di met agatras dagiti Pinoy. Ala, ikararagtayo ta di koman dumegdeg ti tensiyon ta no saan, amangan ta panipudanto ketdi dayta ti mas nadardara a komprontasyon. Tay kunadan, no di maatipa ti pudot... amangan ta GIYERAN SAN APO!

-o0o-

Adda kano nagampayag a Fighter Jet iti ngatuen ti Panatag island itay nabiit. Adu nga tinnudo ti simmaruno. Adda agkuna, kua kano ti China. Adda met agkuna, saan. Ala tapno awan gulo…kua dagiti Martians. Agtitinnudoda pay laeng idinto ta naglawag met no sinno dagiti pagilian nga agin-interes iti Scarborough. Daytoy ngata ti timon no apay a kayat metten ti Pilipinas ti gumatang iti bukodna a fighter jets? Sus Marya kusep! Gubat san apo! Ngem paggatangantayo koma? Idiay China? NEVER! Idiay kano South Korea. Sangadosena ti umuna a magatang manipud iti AFP Modernization Fund. Mayat no kasta. Masapul nga ipakitatayo met nga adda rumbeng a pagamkanda nga agbasakbasak iti sakuptayo. Narigat met no nakamuttalengtayo laengen. No kabaelanda, mas kabaelantayo met! Tay kunadan, dida rumbeng a tagibassiten ti bassit ta isut MAKAPULING! Sa tagalong: walang nakakapuwing kundi ang MALIIT NA MUTA, EHE MALI!

-o0o-

Bilihan ng gamit-depensa? Mayat ngem kasano ngay met ti ramit dagiti adda iti danum kas koma Navy ken Coast Guard? Kaasi piman dagitoy a puspuslitan dagiti pirata ken Abu Sayaf kada Kidnap For Ransom Groups. Kunada, uppat ti makina dagiti lugan dagiti kalaban ti gobyerno, idinto ta maysa wenno dua laeng ti makina ti lugan dagiti kumamat. Makakamatda ngarud? Isu a panawen metten nga intay koma met pabaruen dagiti ramittayo. Dagitay met koma mabalin a pagkamat wenno panggubat no mabalbalin. Di rumbeng a nakamuttalengtayo laengen nga agbuybuya iti eksena tunggal adda makidnap. Makurkurakot ti piraktayo. Imbes a mapan iti bulsa dagiti sinalbag a buwaya ti buis ni Juan dela Cruz, ipantayo laengen iti depensa. Adda arasaas: no koma ngay kano dagita a BUWAYA ti MABOMBA? Isipin ko muna. He he!

-o0o-

Di gaanong nanalasa ang mga bagyong dumaan sa bansa sa nakalipas na mga araw. Sana kung ganito lagi, wala ng problema. Di gaano ang mga kalamidad at maiwasan ang pagkasira ng ari-arian at buhay. Pero walang makakapagsabi kung ano ang susunod na panahon. Ang kailangan, lagi tayong handa. Lalo na sa panig ng pamahalaan at mga ahensiyang nasa front lines. Sa ating tala... sa tuwing may kalamidad, tudo buhos ang ating pagkilos. Pero tapos na ang lahat. May mga natrahedya na. Wala ba tayong pagkilos na mas mauuna ang prevention bago ang sakuna? Baka naman matumal ang pagkilos kasi mas MALAKI ANG KITA kung meron ng kalamidad? Papano? Idilat ang ating mata mga kabayan. Merong mga kumikita sa tuwing may kalamidad, di ba? Sa relief operations na lang, napapasukan na ng politika at lumuluwang ang mga TIYAN AT BULSA. Kaya dapat  talasan natin ang ating pang-amoy at paningin dahil bago pa man tag-ulan o tag-baha... matagal ng nakaangkla ang mga modus operandi ng mga KAWATAN AT MAPAGSAMANTALA. Sorry, intagalogmi ta adda dagiti NABASNOTAN A DI MAKAAWAT KANO ITI ILUKO! Apay isu? MAMATIKAAA! Ammoda amin a lingguahe dagita nga annak ti SALBAG! Pwe!

-o0o-

Jordanian Journalist ken dua a Pinoy cameramen a kaduana, addada kano iti ikut dagiti Abu Sayaf. Daytoy ita ti puntirya ti intel ti gobyerno. Umuna a saludsod: pudno kadi a labas-pasok kano ti grupo daytoy a journalist iti kuta dagiti ASG? Maikadua a saludsod: apay a di man la nagpakada wenno nagpaabiso koma kadagiti otoridad ti pagilian? Maikatlo: adda kadi nalimed a misyonda kadagita kalaban ti gobyerno a grupo? Rumbeng a masukimat a naimbag. Narigat tay iyal-alisdan ti alipuspostayo a ditay agtigtignay. Arasaas: dita koma a maaramat ti Intel-Funds ti gobyerno tapno di masaysayang laeng kadagiti awan kaes-eskanna a gannuat kuno. Ti narigat, ti met tiktikanda wenno in-intelenda ket dagiti met laeng padada a taga-gobyerno, saan aya? Ti ketdi koma asikasuenda ket ti pamkuatan a mangammo no apay a nagbassitan a grupo dagita a kalaban ti estado ket dida pay ida maparmek? Umad-adu pay ti ramitda! Apay? Adda kadi KAKUTSABA WENNO KAKUNNIBERDA iti gobyerno? Sige, sungbatanyo apo! NAULIMEK SA! TULENGDA? Siguro!

-o0o-

Religious Freedom Bill... addan iti lower house. Impila daytoy ti maysa nga ubing pay a kongresista iti maysa a Party List. Puntiryana a rumbeng laeng kano a pada-pada nga awan kabigna dagiti amin nga ahensiya ti gobyerno panggep iti relihiyon. Iti ababa a pannao... awan kano koma ti aniaman a krus wenno imahe kadagiti opisina ti gobyerno. Natural, mairaman metten a maipawil dagiti seremonyas pangrelihiyon kadagitoy nga opisina. Adu ti narpuog a kiday iti daytoy a panirigan. Kasla masambenan kano ti karbengan ti siasinoman panggep iti panagpilina iti umno a relihiyonna. Magna pay daytoy a singasing a linteg iti panagarisit iti lower house sakbay a mapan iti senado tapno mapasengkedanto kas maysa a linteg apaman a pirmaan ti president. Ngem adun dagiti agkunkuna a saan a makalusot. Adda pay nangantiyaw:  awan sa metten ti mapanunotda a pagimbagan ta ti la maisingsingasingdan. Ditay met ketdi babalawen ti nangipila iti singasing a linteg. Ngem na-researchda ngata a naimbag ti konstitusyontayo panggep iti karbengan ti maysa a tao? Addanto pay dagiti parsua a ti diyosda ket animal. Ngem kasla AD-ADUN SA METTEN DAGITI ANIMAL NGA AWAN DIYOSDA! Amen!

-o0o-

Report: sangapulo a Pilipino ti agsaksakit iti HIV iti inaldaw. Makaalarma, apo. Kuna pay ti report a ngimmato iti tallupulo a porsiyento ti ingangato ti HIV cases ditoy pagilian manipud tawen 2000 agingga ita a tawen. Ngimmato met ti pundo ti gobyerno para iti kampanya kontra iti daytoy manipud 60M aginggat 80M ita a tawen. Ngem ania ngata a talaga ti rason no apay a ngimmato ti bilang dagiti biktima daytoy a sakit? Kinasukir? Wenno iti nakaro a GARTEM? No gartem, gapu kadi iti awan patinggana a panaggusto iti NAINLASAGAN NGA ARENG-ENG? Gapu kadi ta adu dagiti saan a mamati a makaalada iti DIGDIGAMMOL WENNO ANTING-ANTING DITA? Wenno mas samsam-itenda ti AGNGUY-A KADA AGLUSDOY iti tunggal seremonya ni KUYADYAD? Ala, no dikay mamati, sumigekay latta. Ngem no agbalinkayto a biktima ti HIV, awantot pabpabasolenyo no di BATUTAYO TA TILA SIMSIMREKANNA! Condolence laengen! Dios ti Kumuyog iti pulim!

-o0o-

Till next issue. Adios mi amor, chao mabalos!