Sona wenno datayo?

SONA WENNO UMILI? Daytoy ti saludsod dagiti umili iti daytoy a kaaldawan ti SONA wenno State of the Nation Address ni Presidente Noynoy. Adu ngamin dagiti di kuntento iti panangidaulona. Nupay adu dagiti agkuna nga OKEY lang kano. Ngem iti survey ti SWS, bimmaba ti ratingsna manipud +49 napan iti +42. Ania kadi ti kaipapananna? Nakapuy a presidente? Wenno ania? Adda agkuna a dina kano makita ken marikna ti karirikna dagiti marigrigat. Dagiti laeng nababaknang ti puntirya ti administrasyonna. Kasta aya? Amangan ta ditay laeng masirip dagiti addang ken planona para iti sangapagilian. Sabagay, timudentayo pay no ania ti ramen ti SONAna sakbay nga intay agkumento, saan aya? Good luck, apo Pinoy. Good luck met Kailian. Chao, Mabalos! Eheste aguray ta addaak pay laeng rugi... agpakpakadaak metten. Sorriiii!

-o0o-

Saan kano a balasaen ni Pinoy ti gabinetena. Amen. Ta ania koma no balasaenna, kuna dagiti kritiko. Adda ngata pagbaliwanna kas pangarigan? Iti siripmi, awan. Ngamin adun dagiti taga Malakanyang ti nabato kadagiti tapik ken kayetket dagiti umili, ngem kaskasdi nga awan met ti napasamak. Natural, kuna ti dadduma... eggemda ti riyenda. No sadino ti pangituronganda iti karwahe, isuda ti matungpal. Bag pay diay karwahe daydi Pidol ta ginuyod ti tao ta NATAY DIAY KABALYO a mangguyod koma. So what? Ti karit dita: mananam ken marikna koma ni Juan dela Cruz ti panangisakit, pammateg, concern ken apidas ti gobyerno nangnangruna kadagiti marigrigat. Ngem no ti siripda ket para kadagiti babaknang ken asideg kano kadagiti turayen ti gobyerno... awan Kutak ken Ungik a mangngeg. Apay isu??? No pudno daytoy, makilangenak laengen kadagiti KABALYO. Ti narigat no mapulianak ngay iti kabalyo? Huwag na toy! Sa Duckchand aso na lang ako, mhennn!

-o0o-

Rapid Response Team agpa-Syria kano para kadagiti sumurok kumurang iti pito ribu pay a kailiantayo a naipit sadiay gapu iti giyera-sibil. Saludsod: apay ngamin aya ta ita laeng nga agtignaytayo? Idi, dipay grabe ti situasyon... awan kadi ti addang wenno gannuat a nairusat? Wenno nayaleng-aleng laeng? Kaasi met dagiti OFWs. Ti laeng rigatna.. gapu iti kinarigat ti agsapul iti panggedan, ket uray pilitem ida a pagawiden, dida met kayat. Sanabale kano a maipitdan iti gubat no laketdi ta adda maipaw-itda iti pamilyada, ayos lang. Nia ketdin a biag ni Juan dela Cruz. Agsebsebbada iti uray paggugubatan gapu iti ayatda a rumang-ay. Karit: nia ngay ti maitupag ti gobyernotayo? Diay la kadin mangiyawid kadagita nga OFW ta naipitda? Idinto ta pagaammotayo a pimmigsa ti dollar reserves ti pagilian gapu kadagita nga OFWs? Wenno bulsek ken pusong-batoda ngamin? Anus kailian. Ma-LBM-danto dagita!!!!

-o0o-

Itay kallabes, adda uppat a natiliw gapu iti panagibiyaheda iti Marihuana. Umayda koma ilako ditoy Baguio ta gumatangda iti bagas. Nagrabaw metten. Saan a rason ti rigat tapno serkem ti illegal a banag. Ngem aguray... apay a di sumarsardeng ti isyu ti marijuana ditoy rehiyontayo? Gapu kadi iti pirak wenno gapu ta kurang ti addang ti gobyerno kontra dita? Kitaenyo…tunggal adda raid kadagiti plantasyon kano ti marijuana... awan met ti matiliw a nagmula? Naglemmengda wenno PINAGLEMMENGDA? Tunggal adda raid, pagattumeng kano pay laeng aginggat pagatsiket dagiti marijuana. Kunada: natural nga adu latta ti agtubo ta adda agmulmula. No adda makasaripatpat... nakatarayen dagiti nagmula no sumangpet dagiti otoridad. Kasla silang, saan kadi? Kuna ti dadduma: dakdakkel ngamin kano ti mapastrekda no marijuana ti imulada imbeskoma a repolyo wenno patatas ken wongbok. Masapul ngarud nga agtignay ti gobyerno sakbay a magabay ti amin. Ta no saan mabalinton ti agorder iti MJ PIZZA, MJ BARBECUE KEN ETAG CON MJ.

-o0o-

Nakaron ti kinatured dagiti agtatakaw. Ultimo simbaan, takawandan. Ti karkarna, ulienda payen dagiti torre wenno kampanaryo tapno matakawda ti kampana. Kinarigat ngata ti pudpudno a rason? Wenno kurang pay ti kinabaknangda ? Sobran a kinasairo, kunada. Sabagay, idiayto pay Metro Manila nga ammoda langaruden nga adu dagiti CCTV ken otoridad ket makapagtakawda pay laeng. Sironto la kanon kadagiti kampanaryo nga awan sikyona? Addanto pay napasamak idi a mismo a PADI ket hinoldapda. Sabali kano itan ti panawen. Kurang laengen nga ipakadada kenka ta umayda takawen ti gamengmo. Ti adal dita: adun ti sairo. Saan a kasapulan kano ti mas ad-adu nga ANGHEL. No di ketdi NGIPEN TI LINTEG ti rumbeng a salaknib dagiti umili. Ti nasakit no pati ngipen ti linteg ket BUNGIBUNGI WENNO TUPPOTUPPOL! Batobato sa langit, ang tinamaan, SAPOL!!!

-o0o-

FITNESS PROGRAM iti PNP iningetan ni PNP Chief Bartolome. Mayat apo tapno di nakababain nga adda dagiti kunkunada a PULIS-BUTETE! Idi panawen ni Sen. Lacson kas PNP Chief, naipatungpalen ti kastoy. Ngem kasla asuk a naglumen. Ita, riniingda manen. Sapay koma ta saan a NINGAS KUGON. Sabagay, makabang-ar a matmatan tay pulis a nataraki ken napintas ti pammagina... tay siketan. Ngem no adda masabatmo nga otoridad a BOKSITAN... kurang la a damagem no KAANO NGA AGANAK WENNO MANON A BULAN TI SIKOGNA. Sige, apo Nicanor... ituloyyo ti gannuat. Ammomi a supportive ni apo Gen. Benjie Magalong ti PRO-COR ta isu a mismo ket regular ti ehersisyona. Kitaem met ti pammagina... 35-25-35. Joke lang apo... kayatmi laeng ti mangsidir ken mangkonsiyensiya kadagiti de-boksit tapno pumaragsitda pay. Ti adal, no ania ti kabaelan ti Bosingda, tuladenda koma. Saan a kas kadagiti dadduma a ti ammoda nga SPELLING ti FITNESS PROGRAM ket KOTONG! Ngekkk!

-o0o-

Panagmula iti UONG…baro a pamkuatan tapno adda pangngedan ken pagsapulan dagiti bumarangay. Kudos, apo Cong. Bernie Vergara. Adu ngamin dagiti di unay makaammo a dakkel a pamastrekan ti UONG. Malaksid ta manmano ti agnegnegosyo iti daytoy, adu ti dina pay ammot agluto iti uong. Adu a sustansiya ti itdenna iti bagi. Ditay laeng ammo. Ket babaen iti gannuat ni Apo Buldozer... mayammo kadagiti bumaranggay no kasanot agmula ken agnegosyo iti UONG. Idiay probinsiya, agur-urayda laengen iti UONG-KIMAT wenno UONG MANNAGADU tunggal panagtutudo. Ngem manmano ti nakasukimat iti pamkuatan no kasano ti agmula. Kayatna a sawen... adu ti sadot. Diay la dumawat ken agsikwat ti ammoda. Dagitoy koma a programa ti intay suportaran. Adda arasaas: adda ngamin kano BIAG kadagiti UONG. KATTUBBOL MAN WENNO DIMMAKKELEN... nananam, naimas aglalo no malaukan iti bulong parya. DAPLIS: no ti UONGMO ket NAGUKRAD KEN MEDYO MALMALPESEN... AGPADOKTORKAN KABSAT PANGAASIM SAKBAY A MAKAAKARKA!

-o0o-

NEXT ISSUE,KAILIAN. ADIOS ME AMOR, CIAO, MABALOS!