Balud, nagpukaw kas asuk?

MAMATIKAAA! Dayta man ti nakabuklan dagiti mas ad-adu a komento panggep iti panagpukaw kas asuk ni Mr. Rolito Go, maysa a balud idiay Bilibid. Kellaat lattan a bimmalagbag ti damag a nagpukaw wenno mapukpukaw kano daytoy. Immawag kano ti pamilya Go ken ni DOJ Sec. Leila De Lima a nangipakaammo a ni Rolito ket NADUKOT.

Kuna met ti NBP nga awanen ni Go iti headcountda iti napalabas a rabii. Ni Go ket natrato kas “Living-Out-Inmate” agsipud ta regular kano met nga agsubsubli iti seldana kalpasan ti serbisyona iti “Ina Ng Awa Church” iti Bilibid. Kadagiti simmaruno nga oras, addan padamag nga addan iti ikut ti pulisya ni Go. Ngarud, naisubli iti pagbaludan. Saludsod: Ania ti pudpudno a napasamak? Nadukot? Kasano? No naglibas, kasano? No adda nangpalibas, kasano ken sinno dagiti rumbeng a maimbestigaran ken madusa? Rumbeng a mayammo iti kagimongan no ania ti napasamak ken no adda kadi rumbeng a madusa wenno awan? Malagip a ni Go ket nakasuan gapu iti pammapatayna iti maysa nga estudyante ti De La Salle University idi Hulyo 2, 1991 gapu laeng iti TRAPIK!

Sapay koma ta di agpukaw kas asuk daytoy a pasamak. Ta no mayaleng-aleng, adunto pay dagiti tumulad. Ti adal: agpipinnarbengtayo. Ti bassit a banag, ditayon padakkelen. Disgrasyado kano no dumakkel ti bassit…umadut papolasyon! Ngek, sabalit napananna! Sorry apo!

-o0o-

Nia ngatat reaksiyon dagiti balud iti napasamak idiay Bilibid? Dida ngata umapal gapu ta adda gayam inmates nga arigda latta ti kasla Dios iti pannakatratoda? Nga adda dagiti nannanamen dagiti VIP wenno dadakkel a tattatao a nakabalud idinto ta isuda kadagiti babassit a pagbaludan ket pimpimanda a malamlamok ken matrat-trato kas pudpudno a balud. Sabagay, depende kano no sinno ti ibaludmo. No nangato a tao, naka-bungalow, kumpleto ramit a kasla naka-house arrest laeng. Kadagiti dadduma a pagbaludad, adda payen maturog a nakasikig gaput kinakurang iti espasyo. Imbag ketdi ta saan a nakatakder. Dagita a situasyon no apay nga adda dagiti agpugpuga wenno agliblibas uray sisisebba ti biagda. Nupay adda met dagitay napeklanen a pumupuga ken agar-aramid iti krimen. Dagita dagitay didan ammo ti agbalbaliw. Killo amin para kadakuada ti dalanda. Kuna met ti dadduma: dumtengto met laeng ti umno a kanito nga agbabaeda, este, agbabawida. Sapay koma ta dinto pay naudi ti amin. Annak, appok dita uneg….dikay rumrumuar kas asuk, wen? Agpakadakayo. H-Ha?

-o0o-

Gapu kada Gener, Habagat ken Helen….naitantan manen ti panangtalantan ti Kamara iti kontrobersiya nga RH Bill. Kasanon no adda manen dumteng a bagyo wenno habagat…maisanudto manen ngata? Amangan ta iti kakaatrasna, nabangleston. Ti mas nabangbangles ay ket no nagbalinton a linteg a di nasipsiputan. Tayto pay panagbalin a linteg ti proteksiyon dagiti menor de edad manipud iti krimen ket kasla kimat a simngat. Di unay natalantan ken kasla di napakadaan. Sa ita, agpipinnabasoldan nangruna ket adu dagiti menor de edad ti napalubusan kalpasan a nagaramid iti krimen. Saan ngata a kastoyto met ti mapasamak iti RH Bill? Karit: kabaelanto ngata ti RH Law, kas pangarigan, a solabaren ti yaadu ti papulasyon ti Pilipinas? Anianto met ngata manen ti basnot ken Kayetket ti simbaan, kas pangarigan? Dinto ngata agbunga iti agsisipol a protesta ken etsetera a kontrobersiya? Malagipmi pay ti maysa a JOKE iti baet dagiti agina: INA- Apay nga agsangsangitka anak? ANAK- sinurondak ngamin, nang. Awan kanot amak. INA- bay-am ida, anak…FATHER ti amam. No pumudno dagiti kastoy a JOKE, awanto met laeng ti sirsirbi ti BINNASNUTANDA panggep iti RH Bill. In Short: MAGPAKATAO! Ang PLASTIK, pambara sa kanal! Pero di ba PLASTIK DIN ANG CONDOM??? TIGILLLL!

-o0o-

Maysa manen a kontrobersiya ti nakaipasungalngalan dagiti adda iti Pagasa. No kadagiti kallabes, adda dagiti pammabalaw ken tapik. Adda pay ketdi pasagid ken sabon manipud ken ni president Noynoy. Gapu ta liman a bulan a di kano naited ti allowance dagiti empleados ti Pagasa, natural lang nga agkutakda metten. Ket tapno di dumakkel ti tensiyon nangruna ket kasapulan ti trabahoda ken akmenda kadagitoy a panawen, mismo a ni presidenten ti napan iti presscon ti Pagasa. Resulta –maiteden babaen ti DBM ti kiddawda nga allowance. Mayat! Dayta a ti aksiyon! Ngem aguray. Apay ngata a kasla denggen ti arungaing no adda protesta? Urayenda pay la kadi a dumanontayo iti kastoy a punto? San ngata a mas nan-annayas ti taray ti serbisyo no tunggal problema ket sapaenda koma a solbaren? Adda tay pagsasao: Aanhin mo ang damo kung patay na ang kabayo? Dayta ket idi. Ngem ita, sabalin: Kung patay na ang kabayo, kainin mo na ang damo! In short – kainin mo na ang pagmumura, basta’t ibigay ang gusto mo! O, ha? Malinaw di ba? Ang payo: mga taga-Pagasa, ingatan ang forecasting. Puedeng magrequest? Puede bang lahat ng bagyo natin, ipadala sa China? He, he..sorry, JOKE Lang.

-o0o-

Nakas-ang ti imbunga ni Gener ken Habagat ditoy rehiyontayo. Landslides, pannakadadael ti adu a kanatengan, nalugi a farmers, adda pimmusay, nadadael a kalsada, nasuspende a klase ken etsetera . Ti pas-engna, idi bimmasnot ni Helen, nangibati manen iti casualties – dua a minero. Masapul nga agrikurida dagiti opisyalestayo. Inda siertuenen kadagiti masaksakupanda no dagitoy ket slide-prone wenno malaylayos tapno mayadayotayo iti didigra. Kudos met iti MGB/DENR, dagiti pagminasan a nagaudan dagiti rescue operations, DPWH iti pannakawanawan dagiti kalkalsada, Pro-Cor iti seguridad ken rescue/relief operations…ken LGUs a di rimmidep kadagiti naglabas a kalamedad. Agtamedtayo met iti DTI iti price monitoring ken amin a pagagasan iti medical assistance. Kadagiti donors iti relief para kadagiti nalayus idiay Metro Manila ken uray ditoy rehiyon, saluduanmi apo ti anepyo. Kasta met nga inkam pagtamedan dagiti amin nga adda iti pribado ken gobyerno a di nangiyimot iti oras ken panangisakitda kadagiti nagkasapulan. Tay kunadan: masupapakanto dagita nga inakemtayo ta san a bulag ti kinapudno. ARRAP laeng ngamin no dadduma. Ehe!

-o0o-

Agpapan ita, basura pay laeng ti kadagsenan a parikut ditoy lokaledad. Kunada: sampelanda ngamin koma ti mangdusa kadagiti di agtulnog iti segregation. Adda puntoda. Babaen iti ordinansa wenno linteg, adda dusa kadagiti agibeleng iti san a nasegregate a basura kasta met dagiti agibasura iti ig-igid a san nga aldaw ti panagbasura. Saludsod: adda kadin nadusa? Ala ket sapay koma ta babaen kadagiti pamkuatan ti local a gobyerno ket masolbarto metten ti nakuna a parikut. Salusod manen: kaanonto? Inton malpas ti campaign period? Wen aya! Sus, ginoo, gid! Dikay agkarkari no dikay maramid, amangan ta BASURA MET TI BUTOSYO! Amen! Awanen ti espasyo, agingga manen no Lunes. Adios mi amor, ciao, mabalos!