Gensan: Pacquiao, Casabuena ug uban pa midaog (2:47 p.m.)
GENERAL SANTOS — Daghang mga iladong tawo misalmot ug midaog sa piliay sa barangay dinhi sa siyudad sa Heneral Santos niadtong Octukbre 29, 2007.
Pipila kanila nga gideklara nang mananaog sa Barangay ug SK elections mao sila Rogelio Pacquiao, igsuon sa boxing champ nga si Manny Pacquiao sa Barangay Apopong ning dakbayan.Gipildi ni Pacquiao ang anak sa kanhing kapitan nga iyang kaatbang sa labaw nga kapin sa 400 boto.
Si kanhing city councilor Lourdes Casabuena ang midaug usab batok ni incumbent barangay captain Eduardo Castanieda sa City Heights.
Ubang midaug nga bag-ong personalidad mao sila Danilo Tinoco sa barangya Baluan, Edgar Acharon sa Dadiangas West batok sa iyang agaw nga si incumbent Barangay Captain Bobby Acharon.
Sa Upper Labay, midaug si Asuzena Baton, Menard Avila III sa barangay Lagao, Rosario Abao sa Dadiangas West kontra ni incumbent barangay captain Dodong Nunez, Butch Santos sa barangay Conel batok kang incumbent barangay captain Palma, Alfredo Lising sa Dadiangas North, Rogelio Solis sa barangay Buayan, Flora Aponesto sa Dadiangas South, Reynaldo Clapiz sa Labangal ug Jose Salangsang sa San Isidro batok kang incumbent barangay Captain Eduardo Yumang. (Superbalita General Santos)
Leave a Reply