Davao: 3 tawo giihaw (2 p.m.)
By Rex C. Otero
DAVAO CITY — Tulo ka mga patay’ng lawas, duha ka babaye ug usa ka lalaki, nga gituohang biktima sa pagpang-salvage napalgan sa duha ka mga managlahing lugar sa dakbayan sa Davao kagahapon sa kaadlawon.
Apan dako ang pagtuo sa kapulisan nga kauban ra ang tulo ka mga biktima ug gibuwag lang sa paglabay ang usa kanila. Dugang katahap sab nga posibleng usa ra ka grupo ang mihimo sa krimen.
Unang napalgan alas 2 sa kaadlawon ang usa ka lalaki ug usa ka babaye nga nagtapad sa may kasagbotan nga bahin sa San Rafael Road, Marfori Heights.
Usa ka concerned citizen ang nakakaplag sa duha ka mga patay’ng lawas ug daling mipahibalo sa Central 911.
Usa ka oras ang milabay, naukadyang mga tawo sa Lakandula street, Agdao human nabangalan ang laing patay’ng lawas sa usa ka babaye, gihulagway nga daw tomboy ang pamayhon, likod sa Central Warehouse Club.
Sa gihimong pagpanubay ni PO3 Danilo Daquigan sa Sta. Ana police station, wa gihapon mailhi ang biktima tungod kay sama sa duha nga napalgan sa Marfori, way narekober nga ID sa biktima. (SuperBalita Davao)
Leave a Reply