Davao: Gisalbids nakit-an (2:02 p.m.)
GITUSAK-TUSAK sa pagdunggab ug ginapos pa ang kamot sa usa ka tawo nga nakit-ang patay sa siyudad sa Kidapawan.
Banda alas 10:00 sa kabuntagon niadtong Huwebes nakit-an sa mga lumulupyo sa barangay Sudapin sa daplin sa kalsada ang usa ka lalaki nga nagpangidaron og 35 hangtud na 40 ug nakahiagom og daghang mga samad dinunggaban.
Nasayran nga gigapos sab ang kamot sa biktima ug gilaslas ang liog.
Ang biktima nagsul-ob og puti nga t-shirt, naka-short pants nga maron ang kolor, itomon ang pamanit ug medyo taas og buhok nga naligo sa iyang kaugalingong dugo nga posibling biktima sa summary execution.
Hangtud karon wala pa mailhan ang biktima.
Padayon nga nag-imbistiga ang Kidapawan City Police. (Edgardo Fuerzas/Sun.Star SuperBalita Davao)
Leave a Reply