Davao: Asawa og Hapon gitulis, gipatay 1:48 p.m.)
BRUTAL nga gipatay ang usa ka ginang human usab siya gitulis sa tulo ka mga armadong lalaki.
Nahitabo ang krimen sulod mismo sa iyang dos andanas nga panilamay didto sa Block 14, Lot 20, Villa Paraiso Subdivision, Brgy. Visayan Village, siyudad sa Tagum.
Ang krimen nahitabo kaganina Sabado, ala una sa kaadlawon.
Tulo ka mga armadong lalaki ang misulod sa balay sa biktima nga giilang si Elizabeth Consina, 37, minyo, ug nagpuyo sa maong lugar.
Gihiktan sa mga suspek ang tiil ug kamot sa biktima ug gibaatan usab ang iyang baba.
Giapil usab sa paghikot ang iyang duha ka mga anak nga batang lalaki.
Human nahiktan gidala ngadto sa dressing room ang biktima ug didto gipakuha kaniya ang mga kwarta ug alahas nga iyang gitaguan.
Human nakuha na sa mga suspek ang tuyo walay kaluoy nga ilang gibundak ang ulo sa biktima ngadto sa sementong bungbong hinungdan sa iyang hinanaling kamatayon.
Giingong anaa karon sa nasud Japan ang bana sa biktima nga usa ka Hapon ug wala pa kabalo sa maong hitabo.
(Danjo Revilla/Sun.Star SuperBalita Davao)
Leave a Reply