Davao: 1 patay, 3 angol sa pinusilay (1 p.m.)
USA ang patay ug tulo ang naangol sa engkwentro didto sa Midsayap, North Cotabato niadtong Dominggo sa kagabhion.
Base sa taho gikan sa 6th Infantry(Kampilan) Division Philippine Army nasuta nga banda alas 8:00 sa gabii, Hunyo 1, gisulong sa grupo ni Kumander Samal, miyembro sa Moro Islamic Liberation Front Lost Command, ang posisyon sa mga sakop sa Civilian Volunteer Organization ug Civilian Auxilliary Forces Geographical Unit sa barangay Damatulan, Midsayap.
Miresulta sa 30 minutos nga sinukliay og mga bala tali sa duha ka grupo gamit ang mga tag-as nga matang sa armas and nahitabong pagsulong.
Miatras ang mga armado sa diha nga nahiabot ang dugang puwersa sa kasundalohan.
Nasayran nga atol sa maong pinusilay napatay ang usa ka miyembro sa MILF Lost Command, duha ang naangol sa mga sakop sa Cafgu apil na ang usa ka sibilyan nga naila nga mao si Akmad Giafal nga naigo sa saag nga bala. (Edgardo Fuerzas/Sun.Star SuperBalita Davao)
Leave a Reply