Sun.Star Breaking News

GENERAL SANTOS — Anaa sa talandugong kahimtang ang usa ka pulis uban sa iyang asawa human gipamusil sa wala masayring mga suspek samtang sakay sa ilang multicab sa lungsod sa Maitum, Sarangani Province alas 6:30 Sabado sa gabii.

Si Sarangani PNP Provincial Director Danilo Peralta nag-ila sa iyang tawo nga gi-ambush nga si SPO1 Jerry Ayap, hamtong ang panuigon, uban sa iyang asawa, molupyo sa barangay Poblacion, Maitum ug kasamtangang nakadestino sa maong lungsod.

Matud pa ni Peralta nga padulong na unta ang magtiayon sa ilang bay gikan sa barangay Tingid, apan pag-abot sa barangay Mindupoc, duha ka mga kalalakin-an ang kalit namusil sa magtiayon hinungdan nga nakaangkon og daghang samad sa ilang kalawasan ang magtiayon.

“Patuloy pa rin ang ginagawang imbestigasyon nang aking mga tauhan sa Maitum, kung ano ba talaga ang malalim na motibo bakit inambush ang dalawa, di naman ako makasabi na itoy related sa kanyang trabaho dahil wala man akong nalalaman na may kaaway ang aking mga tauhan. Itong dalawa nandito na ngayon sa isang pribadong hospital sa General Santos at pinapabantayan ko nga dahil baka balikan at sundan,” matud pa ni Peralta.

Mga sakop sa kapulisan sa Maitum nakakuha og mga kabhang sa M16 armalite rifle ug mga basyo sa .45 kalibre sa armas nga gipanggamit sa pagpamanhig sa wala pa masayring mga suspek sa lugar diin nahitabo ang insidente.

Hinuon, iyang gipaklaro nga mas daghang samad ang naangkon sa asawa kompara kang Ayap sa dihang nagtapad sila sa paglingkod sa atubangan sa sakyanan.

Gimanduan na sa director ang iyang mga imbestigador nga palawman pa ang pagsusi sa motibo aron mapasakaan dayon og kaso ang mga suspek nga nagpaluyo sa pagpangambush.(Super Balita General

Santos)

Bisaya