Davao: Negusiyanteng gikidnap sa NPA gibuhian na (1:53 p.m.)
DAVAO — Gibuhian na sa mga rebeldeng New Peoples Army ang negusiyanteng gikidnap, gi-hostage nila didto sa lungsod sa Jose Abad Santos, Davao del Sur.
Ang biktimang si Jomar Paquiring gidagit sa walo ka mga armadong tawo niadtong Independence Day, alas onse y medya ang takna sa buntag, samtang namaligya kini ug gulay didto sa Barangay Malalag.
Ang biktima gi-atngan na diay’ng daan sa mga armado ug pugsanong gidala sa wala matinong lugar.
Ang biktima nagsaysay ngadto sa kapulisan nga gibuhag siya sa mga armado ug gihigtan ang iyang kamot.
Dugang niya nga gikuha sab ang iyang salapi nga nagbalor og P150.
Human nga gibuhian ang biktima dali kining nangayo og pakitabang ngadto sa kasundaluhan ug kapulisan apan dihang miresponde ang kasundaluhan ug kapulisan sa lugar wala na nila maabti ang mga rebelde nga maoy mitulis ug midagit sa biktima. (Super Balita Davao)
Leave a Reply