General Santos: Lalaki, Gibuk-an og ulo (12:13 p.m.)
USA ka lalaki ang gibuk-an og ulo sa duha ka mga armado nga lulan sa motorsiklo sa purok Saway, barangay Labangal,dakbayan sa General Santos, alas 10:30 Sabado sa buntag.
Si Demas Mindo, hamtong ang panuigon, ug molupyo sa purok Saway, Zone 3 sa nahisgutang barangay giingong naglingkod-lingkod lang sa gawas sa ilang panimalay sa dihang duha ka mga lalaki ang mibutho sa iyang nahimutangan sakay sa motorsiklo nga walay plaka ug dayong gipusil siya.
Ang biktima nakaangkon og duha ka mga samad pinusilan sa iyang dughan ug ulo.
Human sa hitabo, mga suspetsado mikabayo pagbalik sa ilang motorsiklo ug mipadayugdog padung sa wala masayring direksiyon.
Ang biktima gisapupo sa mga silingan ug dayong gidala sa St. Elizabeth Hospital apan ala 1:30 sa hapon sa susamang adlaw nabugtoan sa iyang gininhawa. (Sun.Star SuperBalita General Santos/Mel Coronel)
Leave a Reply