Gensan: Hepe sa pulis giduphan sa mayor (3:24 p.m.)
GENERAL SANTOS — Si General Santos City Mayor Pedro Acharon Jr., nagbutyag nga walay rason nga iyang taktakon sa iyang katungdanan si General Santos City Police Director Police Senior Supt. Robert Po.
Matud pa sa mayor nga wala man siyay nadawat nga reklamo batok sa city director gikan sa ubang mga tawo o grupo nga nagpagawas sa ilang sintemento batok sa opisyal.
“So far wala pa man ko makadawat og complain sa akong opisina batok kang Colonel Po nga dunay mga tawong nasuko sa iyaha, dili ko maka- comment ana hangtud nga wala koy magunitan o mabasahan nga written complaint, basta sa akoa lang isip mayor sa siyudad he is doing well sa iyang trabaho wala pa koy nakita nga nagpabaya siya sa iyang trabaho,” matud ni Mayor Acharon.
Samtang si Kagawad Jong Gonzales nagklaro nga dili kasulbaran sa krimen sa siyudad ang pagsigi og ilis og city director.
“Sa akoa, imbes nga magsegi ta og puli-puli kung kinsa ang mamahimong director, ang paningkamutan na lang siguro sa atong kapulisan mao ang pagsulbad niiining patay ug uban pang krimen sama sa tulis, kay kung maghulip na pud ta, laing sagubangon na usab sa City Director tungod dili niya kabisado ang siyudad,” matud ni Kagawad Gonzales. (Super Balita General Santos)
Leave a Reply