Media luwas mosuroy sa mga lugar sa MILF (3:21 p.m.)
DAVAO CITY — Gawasnon ang mga tigbalita nga mosuroy sa mga kampo sa Moro Islamic Liberation Front sa Mindanao.
Kini ang gipamahayag ni MILF Chairman Aljads Murad Ibrahim, apan kinahanglan ang tukmang koordinasyon aron katagaan og hugtanon nga seguridad ug dili mabutang sa kakuyaw ang kinabuhi.
Giklaro sa MILF nga kon makasulod sa ilang mga kontroladong lugar ang grupo ni Kumander Albader Parad sa bandidong Abu Sayyaf nga naggunit kang Ces Drilon ug duha ka mga kaubanan niini, sila na mismo ang mo-rescue ug molutos sa mga suspek.
Andam na usab ang piniling mga elite forces sa MILF nga molusad og operasyon batok sa mga kidnappers kon ugaling mapalpak ang negosasyon ni Indanan Jolo Sulu Municipal Mayor Alvarez Isnadji nga mabuhian ang mga biktima. (Super Balita Davao)
Leave a Reply