Davao: Bus gitulis, driver gipatay (11:18 a.m.)
DAVAO CITY — Weena bus gitulis ug ang drayber gipusil patay didto sa Datu Montawal, Maguindanao Province.
Ang kapulisan nag-ila sa hingkabsan sa kinabuhi nga mao si Bonifacio Abarquez, 46, minyo ug molupyo sa Barangay Batiocan, Libungan, North Cotabato.
Sigun sa taho gikan sa Maguindanao Police Provincial Office nasayran nga banda alas 5:00 sa kahapunon niadtong adlaw nga Martes samtang nagdagan ang Weena bus nga dunay body number 8618, nga adunay plakang MVG 843 gikan sa siyudad sa Davao paingon sa Cotabato City.
Apan pag-abot sa barangay Pagagawan, Datu Montawal,Maguindanao Province, unom ka wala mailhing mga pasahero ang misakay gikan sa Kabacan, Cotabato, mideklara og tulis.
Gikuha ang tanan nga mga alahas, kuwarta, cellphone sa mga pasahero ug koleksyon sa konduktor.
Mahuman matiti ang tanang mga kabtangan, nanaug sa bus apan gipusil niini ang drayber gamit ang kalibre .45 nga pistola.
Patay on the spot si Abarquez nga naigo sa iyang ulo ug dughan samtang ang mga tulisan dali nga mieskapo paingon sa wala matino nga direksyon sakay sa duha ka habal-habal nga motorsiklo nga naghulat sa mga suspetsado. (Super Balita Davao)
Leave a Reply