General Santos: Drayber sa habal, gi-martilyo (1:18 p.m.)
USA ka habal-habal drayber ang gipatay ug napalgang naligo sa kaugalingong dugo didto sa purok Silway San Juan, barangay West, alas 8:30 Miyerkules sa buntag.
Ang kapulisan sa Pendatun naglisod pa sa pag-ila sa biktimang drayber tungod kay walay mga dokumento nga nakit-an sa iyang lawas apan dunay nakuhang yawe sa single nga motorsiklo nga nakakolintas sa liog sa biktima.
Mga sakop sa Scene of the Crimes Operative (SOCO) nagsuta sa lawas sa biktima nga dunay samad sa iyang ulo nga agi sa usa ka martilyo, tulo ka mga samad sa iyang tiyan gamit ang hait nga kutsilyo ug daghang bun-og sa iyang kalawasan.
Mga otoridad naghangyo sa nawad-an og sakop sa pamilya nga sutaon ang RBL funeral homes kay didto gidala ang biktima. (Mel Coronel/Sun.Star SuperBalita General Santos)
Leave a Reply