Davao: Babaye gibugha (1:15 p.m.)
DAVAO CITY — USA ka babayeng supervisor sa iladong Beach Resort sa dakbayan sa Davao, gibugha sa wa mailhi’ng mamumuno, Huwebes sa hapon.
Sumala sa nahagpat nga impormasyon gikan sa Talomo Police Station, biktima nailhan nga si Mary Ann Caspe, 40 anyos, Supervisor sa Jones Beach Resort sa Talomo, ning siyudad ug molupyo sa Salakot, Talomo.
Sa gihimong pakisusi ni investigator PO3 Dominador Vitor, Jr., nasuta nga mga alas 3:00 sa hapon niadtong Huwebes, okupado ang biktima sa pag-atiman sa resort.
Taud-taod, usa ka wala mailhing lalaki ang nahiabot ug kalit nga gidis-armahan ang nagbantay sa resort nga nailhang si Arthur Coloma.
Suspek, midiretso og sulod sa maong resort ug dihang nakita si Caspe, dali niining gipusil ang biktima. (JAR/Sun.Star SuperBalita Davao)
Leave a Reply