General Santos: Kargador gitigbas, kritikal
GENERAL SANTOS CITY — USA ka batan-on gisud sa ospital human gitigbas sa wala mailhing mga suspek samtang ang biktima didto sa sulod sa merkado publiko, alas 2 sa kaadlawon, Biyernes.
Ang kapulisan sa Bula Police Station miila sa biktima nga si alyas Bryan, 17, laborer, molupyo sa purok 5, Rajah Muda, barangay Bula ning dakbayan sa General Santos.
Si SPO1 Franklin Pepito, miingon nga sayo nga miadto sa merkado ang biktima aron mapun-an ang iyang income sa pagpangarga og mga sinako nga mga baligya.
Apan usa ka suspek nga nagbitbit og sundang ug wala mabantayi sa biktima kinsa gitigbas.
Nakaangkon og daghang mga samad sa iyang ulo, walang dalunggan ug walang bahin sa likod.
Human sa insidenti, misibat ang suspek padung sa wala masayring dapit bitbit gihapon ang nagkadugong sundang. (Mel Coronel/Sun.Star SuperBalita General Santos)
Leave a Reply