Cotabato: 2 patay sa pagdahili sa yuta (12:24 p.m.)
DUHA ang patay sa landslide nga nahitabo didto sa siyudad sa Cotabato niadtong Sabado sa gabii.
Ang kapulisan nag-ila sa mga hingkabsan sa kinabuhi nga mao sila si Rhea Pulalon, 7 anyos ug ang apohan niini nga si Nanding Pulalon, 59, mga molupyo sa barangay Malagapas sa maong siyudad.
Nasayran nga banda alas 9:00 sa gabii, Hunyo 21 samtang nangatulog ang mga biktima sulod sa ilang pinuy-anan, kalit lamang midahili ang yuta sa dakong bungtod kilid sa ilang gitulogan.
Mga midahiling yuta mitabon sa mga biktima apil na ang pader nga semento sa ilang bay.
Dali nga mitabang ang ilang mga silingan aron ma-rescue ang mga biktima apan gumikan sa yuta nga mitabon niini, naglisod sila sa pagluwas sa duruha.
Patay na sa diha nga nakuha ang mga biktima ilawom sa yuta ug mga hallow blocks. (Sun.Star SuperBalita Davao)
Leave a Reply