Cagayan de Oro: Commercial rice mibarato (2:26 p.m.)
CAGAYAN DE ORO — Gikalipay sa mga residente ning siyudad sa Cagayan de Oro ang pagkunhod sa presyo sa mga commercial rice sa mga merkado gumikan sa pagdaghan sa supply sa bugas sa National Food Authority (NFA).
Sa pakighinabi sa Sun.Star Superbalita kang NFA manager Victoria Duray, siya niingon nga nahatagan og kahigayonan ang mga mamalitay nga makapili sa klase sa NFA rice nga motugbang na usab sa klase sa mga commercial nga bugas.
“We have flooded the market with NFA rice, and we have more than enough of the supplies needed for Misamis Oriental and neighboring provinces,” matud ni Duray.
Dugang ni Duray nga mokabat ngadto sa 1,500 ka mga sako sa NFA ang ilang gipang-apodapod matag adlaw.
Sa gihimong pakisusi sa Sun.Star Superbalita ngadto sa mga commercial rice retailer sa merkado sa Cogon, nasayran nga nikunhod gyud ang presyo matag kilo sa bugas.
Leave a Reply