Davao: Maguindanao gipailawom sa ’state of calamity’ (2:17 p.m.)
DAVAO — Gideklara na nga ubos sa state of calamity ang probinsiya sa Maguindanao, Shariff Kabunsuan Province.
Apil na ang North Cotabato nga kaduha na kahigayon nga gilunupan karong bulana.
Gipamahayag ni Teng Enok, operation officer sa Regional Disaster Coordinating Council sa Autonomous Region in Muslim Mindanao, nga moabot na ngadto sa 33,960 ka pamilya ang nagpabilin sa mga evacuation center nga naapektuhan sa pagbaha sa Maguindanao ug Shariff Kabunsuan Province samtang misaka na sa 29 ka tawo ang napatay ug 21 ang wala pa igkita.
Gimando na ni Armm Governor Datu Zaldy Ampatuan ang massive relief operation sa mga dapit nga giigo sa maong kalamidad.
P421 milyones na ang inisyal nga damyos sa mga pananom, kahayupan, mga kagamitan ug inprastraktura sa kagamhanan ang gibanlas sa paglunop nga pinisik sa bagyong Frank didto sa Central Mindanao.
Leave a Reply