Gensan: 4 kumander sa MILF gidemanda (10:52 a.m.)
MGA kumander sa Moro Islamic Liberation Front (MILF) gipasakaan na og kaso sa kapulisan sa Sarangani tungod sa nahitabong pagpanulong sa tulo ka mga barangay sa Maitum duha ka semana na ang nakalabay.
Si Sarangani Philippine National Police (PNP) Provincial Director Danilo Peralta nagbutyag nga niadtong Huwebes nahuman ang ilang pagpasaka og kaso ngadto sa Provincial Prosecutor’s Officer batok nila ni Kumander Ustadz Munsod, Kumander Ting Jakiri, Kumander Dante ug Kumander 511 nga pulos nakabase sa 104th Brigade BTAF, MILF sa camp Batang Basgras, Palimbang, Sultan Kudarat.
Ang upat ka mga kumanders gipasakaan og kasong murder tungod sa ilang pagpusil patay sa CVO nga si Reyaldo Alisin, unang miresponde sa lugar sa Barangay Maguling dihang nagsugod ang pagpanulong sa MILF. (Sun.Star SuperBalita General Santos/Sunnex)
Leave a Reply