Oro: 15 ka tinun-an na-engkanto? (1:37 p.m.)
CAGAYAN DE ORO — Mokabat ngadto sa 15 ka mga bata ang giingong nasudlan sa ‘dili ingon nato’ sa Lapasan Elementary School, Lapasan ning siyudad sa Cagayan de Oro.
Tungod sa kausaban sa kaugalingon sa maong mga estudyante, gitouhang gisudlan ang lawas niini sa dautan nga mga espiritu.
Usa ka 12 anyos nga si Riza (tinoud nga pangalan gipugngan) ang niingon nga nakakita siya og mga itom kaayo nga mga tawo sulod sa comfort room sa maong eskwelahan.
Ingon man mga bata nga nagdula-dula, tigulang ug uban pa, ug aduna usab inahan nga nangayo og hustisya sa iyang anak nga giingong gipriso sulod sa comfort room.
Giingong gipuy-an ang maong eskwelahan sa gituohang mga dautan nga espiritu tungod sa dakong balite nga naa sa kilid sa maong eskwelahan.
Sa pakighinabi sa Sun.Star SuperBalita sa usa ka inahan nga mao si Esterlita Labalan, 46, minyo taga Sta. Cruz, Lapasan ning siyudad, siya niingon nga estudyante sa maong eskwelahan ang iyang anak.
Pero iyang gipasalamatan nga walay dautan nga nahitabo sa iyang anak ug wala kini nahisama sa uban niyang mga classmate nga nangadala pa sa Northern Mindanao Medical Center (NMMC). (Sun.Star SuperBalita Cagayan de Oro/Sunnex)
Leave a Reply