Davao: MILF gihagit og giyera sa Ilaga (12:46 p.m.)
DAVAO CITY — Gihagit karon sa mga miyembro sa Reform Ilaga Movement nga kung isog ang grupo ni Kumander Ameril Umbra Kato sa 105th Base Command sa Lawless Moro Islamic Liberation Front Group (LMG) nga harap-harapan silang magpinusilay.
Buot sa Ilaga nga adto sila mag-abot sa tunga-tunga nga parte sa Liguasan Marsh ug mag-inatubangay sa pagpinusilay aron walay mapagan nga mga sibilyan.
Kini ang nahimong ni Kumander Kilabot sa Ilaga sa nahimong pamahayag ni MILF Civil Military Relations chief Eid Kabalu nga wala sila mahadlok sa Ilaga.
Si Kabalu una nang miingon nga “Kung ilaga sila, pusa naman kami.”
Gihagit usab si North Cotabato Vice Governor Emmanuel Piñol ang Ilaga nga tutukan na lamang ang kaayohan sa katawhan sa lalawigan ug suportahan na lang ang kawsa sa ilang grupo gumikan kay dili sila kaaway apan ang mga rebelde. (Sun.Star SuperBalita Davao/Edgardo Fuerzas)
Leave a Reply