Davao: Kato buot makig-giyera (2 p.m.)
DAVAO CITY — Gihagit ni Kumander Ameril Umbra Kato ang Central Committee sa Moro Islamic Liberation Front (MILF) nga magdeklara og all-out war batok sa gobyerno gumikan sa pagpadaplin niini sa Memorandum of Agreement on Ancestral Domain (MOA-AD) ug patubagon kadtong mga lokal nga opisyal nga mibabag sa maong kasabutan.
Natultolan na sa militar ang lugar diin nagtago-tago si Kumander Ameril Umbra Kato sa lawless MILF Group, hinungdan nga gipakusgan sa militar ang gilusad nga air-to-ground attack batok sa mga rebelde sa Datu Sawde Ampatuan, Talayan, Talitay ug Guindulungan, Maguindanao Province.
Si MILF Vice-Chairman for Political Affairs Gadzaali Jaafar nagbutyag nga adunay mga opisyal sa kagamhanan nga maoy nagsugnod aron modako ang kagubot sa Mindanao.
Gihulagway niya ang maong opisyal nga adunay gihambin nga kinaugalingong interest ug dili buot og kalinaw.
Apan bisan pa sa pag-abandona sa administrasyon Arroyo sa MOA-AD, bukas pa gihapon ang pultahan sa MILF sa malinawon nga negosasyon, sumala kaniya. (Sun.Star SuperBalita Davao/Sunnex)
Leave a Reply