Davao: Mga lumad mipalag sa MILF (2 p.m.)
DAVAO — Mipalag ang mga lumad didto sa Central Mindanao sa gipamugos sa Moro Islamic Liberation Front nga Bangsamoro Juridical Entity.
Dili sila uyon nga mahiapil sa kasabutan sa Memorandum of Agreement on Ancestral Domain gumikan magsugnod lamang kini sa laing dakong kagubot sa Mindanao ug makaapekto sa panginabuhi sa mga lumad.
Si Datu Samuel Haus, provincial chieftain sa mga Indigenous People (IP) sa South Cotabato, naghangyo sa MILF nga dili iapil ang ilang mga kayutaan o ancestral domain sa mga T’bolis ug uban pang lumad sa Mindanao.
Matud ni Haus nga dakong gubot ang mahitabo kung ipamugos kini sa MILF gumikan kay igo na kanila ang kasamtangang programa sa kagamhanan sa mga indigenous people.(Super Balita Davao)
Leave a Reply