Cagayan de Oro: 4 balay gidaro sa trak, na-ugdaw (2:20 p.m.)
UPAT ka mga balay ang nanga-ugdaw human nabanggaan sa nagkalayo nga Isuzu Elf kaganina mga alas 6:20 sa buntag sa Zone-12 Molugan, siyudad sa El Salvador, Misamis Oriental.
Nasunog ang ligid sa maong sakyanan samtang kini nagdagan ug didto nakapaingon sa maong mga balay hinungdan sa sunog.
Si Samuel Quiño, 29, lumad nga taga Poblacion, lungsod sa Villanueva, Misamis Oriental ang nimaneho sa Izuzu elf nga nagdala sa plaka PNK-706 nga gipanag-iyahan ni Rachel Rabaya, sa susamang dapit.
Samtang nagmaneho si Qui¤o sa maong trak kalit lang nibuto ang atubangang ligid niini ug nasunog hinungdan nga nawad-an kini og preno.
Ang trak nga nawad-an og preno nipaingon sa una nga balay ug naigo niini ang linya sa kuryente hinungdan sa pag-dilaab sa kalayo.
Tungod kay ginama sa light materials ug sikit-sikit nga maong mga puloy-anan dali kining gilamoy sa kalayo. (Stephanie Viovicente-Berganio/Sun.Star SuperBalita Cagayan de Oro)
Leave a Reply