Fetus gibilin sa simbahan (1:20 p.m.)
CAGAYAN DE ORO — Usa ka gibana-banang walo ka bulan nga fetus ang napalgan sa usa ka lalaki sulod sa Birhen sa Regla Chapel niadtong Domingo mga alas 10:00 sa gabii sa Puerto siyudad sa Cagayan de Oro.
Si Michael Agawin, hingkod ang panuigon, choir member sa maong kapilya ug nagpuyo sa susamang dapit ang nakadiskobre sa fetus.
Giasoy niini ngadto sa kapolisan nga uban sa duha ka miyembro, napalgan nila ang usa ka plastic bag nga gibutang ibabaw sa choir table.
Sa ilang pagabri sa plastic bag nasuta nga usa ka fetus nga giputos og itom nga panapton ang ilang nakita ug patay na.
Kompleto na ang hitsura sa maong fetus ug usa kini ka batang babaye.
Wala pa kini nanimaho. (Stephanie Viovicente-Berganio/Sun.Star SuperBalita Cagayan de Oro)
Leave a Reply