General Santos: Mikaon og baki, 1 patay (2:03 p.m.)
USA patay, laing unom gidala sa balay tambalanan human nangahilo sa gikaon nga baki sa barangay Sinawal, alas 8 sa gabii, Lunes.
Ang namatay nailhan nga si Ricky Mariano, 28, minyo, nitibo sa Butolan, Jose Abad Santos, Davao del sur ug pulos nagtrabaho sa pinyahan sa Dole Philippine sa barangay Sinawal ning dakbayan sa General Santos.
Ang biktima gidala sa General Santos City Hospital alas 6:30 sa buntag, Miyerkules tungod sa pagpanakit sa tiyan apan walay swerting gideklarang dead on arrival sa mga mananambal sa General Santos City Hospital.
Gipangdala usab sa ospital sila si alyas RR 15, Arjie 14, Jover 12, Jomar Calibay 18, Boy-Boy, 12, ug usa ka Joper Masangkay 18.
Ang unom gibati sab og pagpanakit sa tiyan ug pagsuka human mikaon og adobong palaka nga nakuha sa sapa sa maong barangay.
Matud ni Jomar nga nagkasabot silang pito nga manguta og palaka sa sapa aron ilang sumsuman sa inom human sa ilang trabaho sa pinyahan. Matud niya nga dili bag-o alang kanila ang pagpangita og baki sa sapa tungod kay kaniadto pa kini nila gihimo. (Mel Coronel/Sun.Star SuperBalita General Santos)
Leave a Reply