60 sakop sa MILF gikiha (3:39 p.m.)
GENERAL SANTOS — Si Maasim chief Senior Police Inspector Joefil Remudaro nagbutyag nga ilang gipasakaan og kaso ang kapin 60 ka mga sakop sa Lawless Moro Islamic Liberation Front nga gitudlong nagpaluyo sa pagpangatake sa lungsod sa Maasim, Sarangani Province, bulan na ang nilabay.
Matud ni Remudaro nga gihuwat na lang nila kung unsa man ang samputanan sa ilang gipasaka nga kaso subay sa nakuhang mga ebedensiya.
Giila sab sa sumbong ang mga sakop sa MILF nga apil sa pagpanulong ug pagpatay sa duha ka mga inosenting sibilyan.
“Nasampahan na natin ng kaso ang mga suspek na siyang sumalakay sa lungsod ng maasim, antayin na lang natin kong ano man ang mangyari sa kaso na na- file namin,” matud ni Remudaro.
Samtang si Sarangani provincial Governor Migs Dominguez nagbutyag nga dili angayang kalimtan ang brutal nga kamatayon sa duha ka mga sibilyan nga apil gipangpatay sa mga LMG atol sa ilang gihimong pagpangatake. (Super Balita General Santos)
Leave a Reply