Granada mitay-og sa Cotabato (3:38 p.m.)
DAVAO CITY — Gitay-og sa makusog nga pagbusikad ang siyudad sa Cotabato human mibuto ang usa ka granada.
Sa taho nga nakutlo sa Superbalita gikan sa Cotabato City Police Office, nasayran nga mga alas tres sa hapon, Setyembre 16, duha ka wala mailhing mga suspek ang miitsa og explosibo duol sa barangay Hall sa barangay Tamontaka.
Maayo na lamang kay didto kini mitugpa sa usa ka bakanteng luna ug suwerte nga wala’y nasamdan.
Mga suspek, dali-dali nga mieskapo sakay sa usa ka DT Yamaha nga motorsiklo paingon sa wala matino nga direksyon.
Nagtuo si Cotabato City Mayor Muslimin Sema nga pagsabutahe kini sa mga armadong grupo aron hadlukon ang mga langyaw nga bisita sa lugar. (Sun.Star Super Balita)
Leave a Reply