Davao: 2 patay sa bus (2:25 p.m.)
DUHA ang patay ug usa ang samaran human gidaro sa usa ka Bachelor Bus ang giobertikan niining motorsiklo didto sa national highway, Barangay Apokon, dakbayan sa Tagum, Biyernes sa buntag.
Ang mga biktima nga patay nang nahidangat sa Davao Regional Hospital mao sila si Rachel Ann Casulla, 17, ug Rey Vincent Ybañes, 6, pulos molupyo sa Bermudez Plains, Barangay Apokon.
Samtang nagpabiling giatiman sa mga doktor sa maong ospital si Reynaldo Apas, taga-Purok Jalandoni, Barangay Visayan Village, kinsa driver sa motorsiklo.
Ang mga biktima sakay sa usa ka Honda Wave nga motor nga nagdala sa plaka numero 4801 LB.
Pag-abot nila sa national highway sa Apokon, usa ka naghaguros nga Bachelor bus padulong sa siyudad sa Mati ang ming-overtake kanila.
Tungod kay kalit nga mi-cuting ang maong bus, nasaghiran niini ang motor hinungdan nga misarasay kini ug natumba.
Nalagpot ang duha ka biktimang nag-angkas hinungdan nga nalatayan sa ligid sa maong bus ug nahiagom sa grabeng bun-og ug samad sa kalawasan. (Marvin Pineda/Sun.Star SuperBalita Davao)
Leave a Reply