Davao: 2 ka kampo sa NPA sa Baganga nailog (2:45 p.m.)
DUHA ka mga kampo sa New People’s Army nailog sa kapulisan ug militar samtang upat ka mga rebelde ang napatay sa engkwentro didto sa Boston, Davao Oriental niadtong Sabado.
Nahitabo ang bakbakan niadtong Sabado.
Daan nang nakadawat og impormasyon ang mga otoridad bahin sa presensya sa mga armado sa nasangpit nga lugar.
Milungtad sa 15 minutos ang bakbakan una misibog ang mga rebelde padung sa Lower Mahayahay sa maong barangay.
Upat ang gikatahong napatay sa NPA samtang way nasamdan sa tropa sa kagamhanan.
Sa gihimong hot pursuit, ang tropa nakadiskobre sa training camp sa NPA sa Sitio Junction.
Ang maong kampo gikangkoban sa 25 ka mga bunkers nga kayang mo-accommodate og 60 ka mga tawo.
Samtang gihimo ang clearing operations, si Sumagaysay mitawag sa tropa nga laing kampo sa NPA nahimutang sa Sitio Supa sa maong barangay.
Didto natultolan ang laing kampo nga may mga pasilidad samata sa napulo ka mga bunkers ug mga tent. (RCO uban sa taho ni Neelan Luciano/SunStar SuperBalita Davao)
Leave a Reply