Davao: Lolo gibugha sa apo (1:39 p.m.)
PATAY ang usa ka 80-anyos nga lolo human kini gibunalan og bangko ug kahoy sa iyang kaugalingong apo didto sa dakbayan sa Tagum.
Ang biktima giila nga si Nicanor Sustiger, ug nagpuyo sa Barangay La Filipina sa maong siyudad.
Samtang ang suspek nga si Geraldo Montaos, 34, taga purok 5-B sa maong barangay.
Sa report sa kapulisan nasayran nga sa way igong rason gibunalan og bangko ug kahoy sa suspek ang iyang apohan didto sa ilang panimalay.
Ang biktima nahiagum og grabeng mga bun-og ug samad sa ulo nga maoy gituohang hinungdan sa iyang kamatayon. (Marvin Pineda/Sun.Star SuperBalita Davao)
Leave a Reply