General Santos: 2 army angol sa giyera (3:13 p.m.)
DUHA ka mga sakop sa Philippine Army ang gipangdala sa balay tambalanan human nangasamdan atol sa padayong gubat tali sa militar ug sa mga sakop sa Lawless Moro Islamic Liberation Front (LMG) sa barangag Dati Dani, lungsod sa Kiamba, Sarangani Province, alas 11 sa udto, Martes.
Nahitabo ang sinuklianay og mga bala tali sa duha ka mga grupo human nadawat sa kapulisan ug militar ang warrant of arrest batok rebelde sa maong barangay sa mga akusado nga gitudlong nalambigit sa pagpanulong duha ka bulan na ang nilabay sa lungsod sa Maasim.
Ang duha nga nasamdan nailhan nga sila si Private First Class Judy Galvez, 21, ulitawo kung asa naigo sa iyang walang bahin sa abaga samtang ang ikaduha nailhan nga si Private First Class Jevenezer Libres, 26, minyo, diin naigo sab sa iyang tuong bahin sa bukton.
Ang duha pulos mga sakop sa 25th Infantry Battalion Philippine Army nga nakabase sa lungsod sa Maasim, gituohan nga daghang mga sakop sa LMG ang samaron atol sa insidenti. <b>(Mel Coronel/Sun.Star SuperBalita General Santos)
Leave a Reply