Davao City: 10 anyos, lain pang 9 gibuhian sa `kidnaper’ (2 p.m.)
USA ka 10 anyos nga batang lalaki ang gikuyugan sa iyang inahan aron itaho sa kapulisan ang pagdagit kaniya sa mga wa mailhing tawo.
Niadtong Biyernes sa gabaii, mireport ngadto sa Sasa police station ang inahan nga si Gina Perez kauban ang anak nga si Mel Jay, nagpuyo sa may old airport, Sasa.
Biyernes sa buntag nangita na ang inahan sa nawagtang nga anak. Nakit-an kini alas 6:45 sa gabii sa may old airport.
Ang bata miingon nga alas 4:00 sayo sa buntag nangihi siya sa gawas sa ilang bay ug kalit siyang gibunlot sa duha ka tawo.
Gitabonan og panyo ang iyang baba ug nawad-an siya sa panimuot.
Dihang nakamatngon siya, anaa na siya sa usa ka balay kauban ang laing siyam ka mga bata nga pulos gipanggapos og pisi ang mga tiil.
Wa gyud sila pakan-a’g pamahaw ug paniudto sa lima ka lalaki nga nagbantay kanila.
Pagka gabii gisakay sila sa usa ka van kauban ang laing siyam ka mga bata sa usa ka wa mailhing babaye.
Pag-abot sa crossing old airport, gipakanaug sila ug misibat ra sab ang nasangpit nga van.
Wa pa hibaw-i kung unsay tuyo sa ilang pag-dagit. (RCO)
Leave a Reply