Cagayan de Oro: Dump truck nahulog sa pangpang, 2 patay (1 p.m.)
PATAY ang duha ka mga empliyado ang nangakabsan sa kinabuhi human natagak ug naligid ang gisakyang dump truck niadtong Biyernes sa Suplong, Indahag, ning siyudad sa Cagayan de Oro.
Ang maong mga biktima giila nga sila si Apolinario delos Reyes, hingkod ang panuigon, taga Villaberde, Balulang, ning siyudad ug Zaldy Ocang, hingkod ang panuigon, taga Bonbon, ning siyudad ug pulos mga trabahante sa City Engineering Office ning siyudad.
Ang insidente nahitabo alas 3:00 sa hapon samtang on-duty ang mga biktima.
Pauli na ang duha gikan naghakot og limestone samtang sakay sa dump truck dihang kalit lang nawad-an og preno ang nagmaneho nga mao si delos Reyes. Ang operator sa backhaw si Ocang sakay usab.
Giingong tungod sab sa kakusog sa dagan sa dump truck naglisod na kini sa preno hinungdan nga nilapos kini sa barandilyas og maayong pagkatagak sa pangpang.
Dead on the spot ang duha dihang giresponde sa kapolisan sa PS9, si delos Reyes anaa pa gihapon kini sa iyang gilingkuran apan bali ang tiil niini ug nanggawas ang dugo.
Samtang si Ocang nahulog uban sa trak ug nabunal-bunal ang ulo hinungdan sa pagkalupyak niini. (Stephanie Viovicente-Berganio/Sun.Star SuperBalita Cagayan de Oro)
Leave a Reply