DUHA ka managlahing kaso sa paghikog ang nahitabo sa managlahing dapit nga miresulta sa pagkadala sa mga biktima sa Northern Mindanao Medical Center (NMMC) ning siyudad sa Cagayan de Oro.
Unang biktima giilang si Richell Magriba, 25, taga lungsod sa Claveria, Misamis Oriental.
Nahitabo ang paghikog niini niadtong Miyerkules mga alas 11:00 sa buntag sulod mismo sa puloy-anan dihang nabikil ang biktima ug iyang bana.
Wala gikabutyag ang rason apan grabe ang pagmahay niini ngadto sa iyang bana nga nakadesisyon kini nga mo-inom og hilo. Maoy naabtan sa bana niini nga nagbula ang baba, hinungdan nga daling gidala sa duol nga balay tambalanan. Hinuon, luwas na ang biktima sa makuyaw’ng kahimtang.
Laing biktima nga nilanding sa susamang tambalanan mao si Isabel Lastimosa, 18, taga Westbound Bulua, ning siyudad, kinsa gituohang naghikog kagahapon mga alas 8:00 sa buntag.
Ang kaila niining si Regem D. Duallo, driver sa motorsiklo, niingon nga nisakay ang biktima kaniya apan kalit lang kining miambak sa motorsiklo hinungdan nga nakaangkon kini og grabeng bun-og ug pangos sa iyang lawas. Nabukol usab ang ulo niini ug nagburot ang ngabil.
Ang bikitma dihang pangutan-on, dili motubag kung unsa iyang problema nganong nahimo niini ang kalit nga pag-ambak sa motorsiklo.