3 patay sa aksidente sa bus
Monday, September 6, 2010
More Sections
TULO ang patay human nabangga ang motorsiklo nga gisakyan sa upat ka mga lalaki niadtong Domingo mga alas 7:30 sa gabii sa Purok-4, Barangay Poblacion, lungsod sa Gitagum, Misamis Oriental.
Dead on arrival sa Polymedic General Hospital ning siyudad sa Cagayan de Oro ang usa sa biktima nga mao si Reynero B. Rasuman, 20, ulitawo.
Have something to report? Tell us in text, photos or videos.
Post your reaction to the Manila hostage crisis
Samtang pipila ka oras ang nilabay sulod sa susamang tambalanan nakabsan usab sa kinabuhi ang laing duha ka mga kauban niini nga sila si Kenneth Roy Paberecio, 29, ulitawo, ug Jhun Mark S. Balasabas, 20, minyo, pulos mga taga lungsod sa Alubijid, Misamis Oriental.
Ang ikaupat nga biktima kinsa kritikal ang kahimtang ning panahona nga mao si Juvy P. Legazpi, 21, ulitawo.
Si Police Senior Inspector Emmanuel Jaraula, hepe sa Gitagum Police Station nga nainterbyu sa Sun.Star SuperBalita niingon nga bulontaryong mitahan ang driver sa Super 5 bus nga mao si Judy Onacao, lumad nga taga siyudad sa Iligan.
Gisaysay ni Jaraula nga gikan nangaligo ang upat ka mga biktima sa Velasco Beach sa lungsod Gitagum.
Paingon na nga manguli niadtong tungora ang mga biktima samtang ang bus paingon sa Iligan dihang nagsungag human namatikdan nga kusog nga mipadagan ang motorsiklo nga STX nagdala og plaka 6887.
Tungod sa kakusog sa bangga mas nagrabehan ang mga sakay sa motorsiklo dihang pulos nanglagpot sa kalsada ug nabunal ang mga ulo sa biktima.
Walay kadaut ang mga sakay sa bus samtan daling milarga ug mitahan sa Libertad Police Station ang driver.
Dihang girespondehan sa kapolisan ang insidente nagbuy-od nga nagkadugo ang mga biktima ug gidali pagdala sa naasoyng tambalanan ning siyudad apan nakabsan gihapon sa kinabuhi human nabalian og tiil ug naluno ang ulo.
Kasong reckless imprudence resulting to multiple homicide and serious physical injuries ang atubangon sa driver ning panahona.
Samtang gikatahong usa sa namatay sakop sa notoryus nga grupong BM-29 (Batang Mindanao) ning siyudad ug adunay P100 mil nga patong sa ulo. (Stephanie V. Berganio)
