NAGHIKOT sa iyang li-og ang usa ka amahan ginamit ang wire Lunes sa buntag sa Barangay Pagatpat, dakbayan sa Cagayan de Oro.
Patay si Edgar (bansagon gitago), 55, minyo ug residente sa nahisgutang dapit.
Sa impormasiyon nga nahipos, gikabutyag nga napalgan na lamang nga wala na’y kinabuhi ang amahan human nga naghikot sa iyang li-og ginamit ang wire.
Wala pa usab gikabutyag kung unsa’y rason sa pagpakamatay niini apan sa taho, giingong nagsige na kini og padungog-dungog nga gikapoy na ug gusto na nga mopahulay.
Gidala pa kini sa City Hospital apan wala’y swerteng nakabsan na kini sa hinulamang kinabuhi.
Sa pagkakaron, padayon pa nga gisuta kung nganong nahimo niini ang pagkutlo sa mismong hinulamang kinabuhi.
Ang patay nga lawas sa biktima ang kasamtangang anaa na sa Somo Funeral Homes sa Rizal Street ning dakbayan.