Anak gitigbas sa amahan

Tuesday, February 9, 2010

NILANDING sa balay tambalanan ang anak human gitigbas sa iyang kaugalingon nga amahan niadtong Lunes mga alas 10:30 sa buntag sa Barangay Kibonbon siyudad sa El Salvador, Misamis Oriental.

Nagisi ang nawong ug naputol ang tudlo sa anak nga mao si Michael Coco, 32, ulitawo, human gitigbas sa iyang amahan nga si Hercutano, 56.

Have something to report? Tell us in text, photos or videos.

Gidala ang biktima sa Northern Mindanao Medical Center (NMMC) ning siyudad sa Cagayan de Oro.

Usa sa personahe sa NMMC nibutyag sa Sun.Star Superbalita nga daan nang nga adunay kapungot nga gibati ang amahan ug niadtong tungora kalit kining nikuha og sundang dayon migawas sa ilang puloy-anan.

Giingong nagsige og panghasi ang amahan samtang nagbitbit og sundang.

Gani nanirado ang sakop sa pamilya niini sa kahadlok nga sila ang tigbason apan ang anak wala nalipay sa gibuhat sa amahan hinungdan nga migawas sa ilang puloy-anan.

Apan wala kini kabantay dihang gitabo sa amahan og sundang dayon deretso nga gitigbas ang nawong hinungdan sa pagkasamad niini.

Wala pa nakuntento ang amahan bisan gibadlong na nga hunongon apan padayon kini sa pagpanigbas hinungdan sa pagkaputol sa tudlo sa anak.
Gitabangan og badlong ang suspetsado ug gikuha gikan niini ang sundang samtang gidali pagdala sa NMMC ang biktima.

Sa pagsulat ning balita luwas na sa makuyawng kahimtang ang biktima apan walay planong pasakaan og kaso ang amahan.